Golge Tiyatroyê ji bo zarokan dest bi çîrokbêjiyê kiriye
Golge Tiyatroyê li ser hesabê xwe yê Youtube-ê dest bi xwendina çîrokên zarokan kiriye.
Koma şanoyê 15ê Gulanê, Roja Zimanê Kurdî beşa yekem a çîrokan weşandiye. Komê bi gotinên “Zarok pêşeroja ziman in, divê em çîrokên bi zimanê zikmakî bi wan bidin temaşe kirin” xebata xwe daye destpêkirin.
Di beşa yekem de Rabîa Keskîn û Kaddafî Unalî çîroka “Çîn û Maçîn”ê xwendiye. Koma Golge Tiyatroyê wê di her beşekê de çîrokekê ji bo zarokan bixwîne. Rewşan Apaydinê derhêneriya lîstikê kiriye.
Derbarê Golge Tiyatroyê de
Di sala 2009an de li Esenyurta Stenbolê Navenda Çand û Hunerê ya Golgeyê vebûye û Koma Şanoyê ya Golgeyê jî bi vî awayî dest bi xebatê kiriye. Heta niha senaryoyên Bertolt Brecht’î jî di nav de gelek şano lîstine. (FD)