Fotograf: diyarbekirde.com
Ji bo nûçeya tirkî / ingilîzî bitikîne
Wezareta Perwerdeya Netewî ji bo “Vîzyona Perwerdeyê ya 2023yê” pirtûk weşandine ku behsa bajaran dikin.
Yek ji van pirtûkan ya bi navê “Şehrimiz Diyarbakır” (Amed bajarê me) ye ku tê de ji bo zarokan behsa çand, hilberîn, huner, ajal û gihayên bajêr, lîstik û folklora Amedê tê kirin.
Li gorî nûçeya Ajansa Mezopotamyayê piştî Wezaretê ve pirtûk pesend kirine, Midûriyeta Perwerdeyê ya Amedê ew şandine dibistanan da ku bên xwendin.
Pirtûka navborî 214 rûpel in. Di beşa ku bi navê “Devokên Amedê û Taybetmendiyên wê de behsa zimanên li Amedê tê axavtin kirine ku ji bo zimanê li Amedê tê axavtin gotine “dişibe tirkiya Bakuyê ya Azerbaycanê.” Her weha di pirtûkê de tenê di cihekî de behsa kurdiyê hatiye kirin ku di wir de wiha gotine:
“Gelek peyvên di zaravaya Amedê de hene taybet in. Ev taybetmendî bi wan dengên taybet derdikevin ku di erebî, farisî, kurdî, turkmenî û zimanên kafkasan de yên dişibin wan hene lê di alfabeya me de nînin.”
Di pirtûkê de Newroz weke “Nevruz” hatiye binavkirin û weke kevneşopiyeke resen a Asyaya Navîn hatiye diyaririn. Di vê beşê de gotine ku li bajêr Newroz bi li hev xistina hêkan û belavkirina xwarinan tê pîrozkirin. (RT/FD)
