Di Kanûna Paşiyê de herî hindik 199 karker mirine

Fotograf: AA

Ji bo nûçeya tirkî bitikîne

Meclîsa Tenduristiya Karkeran û Ewheliya Karî (ISIG) rapora xwe ya Kanûna Paşiyê ya 2021ê aşkere kiriye ku tê de behsa mirina a dema karî de dike.

ISIGê ji sedî 60ê zanyariyên xwe ji çapemeniya netewî, ji sedî 40ê wê jî ji çapemeniya herêmhi, hevkar, malbatên karkeran, pisporên ewlehiya karî, doktorên kargehan, rêxistinên pîşeyî û sendîkayan berhev kirine.

Ji sedî 14ê karkerên ku mirine ne endamên sendîkayan e 

Li gorî vê raporê di meha Kanûna Paşiyê ya 2021ê de herî hindik 199 karker di dema karkirinê de mirine.

* 177 kedkarên ku mirine karker û karmend, 22 jî esnaf û cotyar bûne.

* 13 karkerên jin, 186 jî yên mêr mirine. Jinên ku mirine li kargehên tekstîlan, di sektora perwerde, bazirganî, enerjî û tenduristiyê de kar dikirin.

* Karkerekî zarok miriye.

* Temenê 71 karkerên ku mirine ji 51ê berjortir bûye.

* 9 karkerên penaber mirine: 3 somaliyî, 2 afgan, azerbaycaniyek, moldovdayiyek, suriyiyek û ukraynayiyek.

* Bi tenê 14 karker endamên sendîkayan bûne.

*Karkerên ku mirine bêhtir karên tenduristiyê, bazirganî, veguhastin, çandinî, înşeat, metal, ewlehî, şaredarî, kana û xizmetguzariyê dikirin.

* Karker herî zêdi ji ber Covid-19ê, qezayên trafîkê, eciqîn/herifîn, ketine ji dereke bilind, sekna dilî, tundkarî, jahrîbûn/fetisîn, xwekuştin û elektrîkê mirine.

Temenê karkerên ku mirine wiha ye

15-17: Karkerek

18-27: 21 karker

28-50: 97 karker

51-64: 51 karker

65 û berjortir: 20 karker

Temenê 9 karkeran nehatiye zanîn.

(AO/FD)