Li Somaliyê ji ber hişkesaliyê mîlyonek kes ji cih û warên xwe bûne

Ji bo nûçeya tirkî bitikîne

Komîseriya Bilind a Penaberan a Neteweyên Yekbûyî (UNHCR) û Konseya Penaberan a Norwêcê (NRC) ragihandine ku ji ber hişkesaliya li Somalî, welatê Rojhilatê Afrîkayê milyonek kes di nava wî welatî de li cihê xwe bûne.

UNHCRê duh (11ê Tebaxê) derbarê mijarê de daxuyaniyek daye û ragihandiye ku ji ber vê sedemê li Somaliya ku di dîroka xwe de yek ji hişkesaliya herî dijwar dijî, zêdetirî 755 milyon kes ji cih û warên xwe bûne.

Li gorî daneyên hatine weşandin, ji Kanûna Paşiya 2021an û vir ve ku li wî welatî hişkesalî destpê kiriye, bi tevahî mîlyonek welatî ji cih û warên xwe bûne.

Dîrektorê Somaliyê yê NRCyê Mohamed Abdî dane nirxandiye û gotiye: "Ev hejmar wate yek mîlyon kes ji bo Somaliyê wekî zengilek mezin a xeteriyê ye."

"Niha birçîbûn li welat serdeste. Li gundan bi rastî av û xwarin tune ye, em dibînin ku her ku diçe zêdetir malbat neçar dimînin ku cihê biterikînin. Hê dereng nebûye divê bi lezgînî çavkaniyên aborî were peydakirin."

Nûnera UNHCRê ya Somalîyê Magatte Guîsse jî destnîşan kiriye ku "civakên hesas, komên herî zede ne ku krîza îklîmê bandorê li wan dikin. Her weha  diyar kiriye ku ev rewş "gelek malbatan bêparastin dihêle û koçberiyê zêde dike."(SD/AY)