Ji bo nûçeya tirkî bitikîne
Saîda, welatiya Azerbaycanê ye û Dalîla jî welatiya Italyayê ye û xwendekara erasmûsê ye. Herdu jin di çalakiya 25ê Çiriya Paşiyê, Roja Navnetewî ya Piştevanî û Têkoşîna li Dijî Tundkariya li Jinan de hatibûn desteserkirin. Ji bo ku bên dersînorkirin herdu jin li Navenda Dersînorkirinê ya Selîmpaşayê ku li Silîvriyê ye tên girtin.
Ji Mor Dayanişmayê Cemîle Baklaci û parêzer Sezen Ezer çûne navenda dersînorkirinê û serdana herdu jinan kirin.
Têkildarî serdanê Baklaci bi bîanetê re axivî û weha got:
* Hevalên me yên parêzer ji saet 9.30an heta 14.00an dan sekinandin û destûr nedan ku bi jinan re hevdîtinê bikin.
*Jinan diyar kirin ku li navendê zextên fîzîkî nîne lê rastî zextên psîkolojîk tên.
*Di şeva destpêkê ya ku jin birine navendê de ji jinan re gotine, "Hûn ê îşev bên şandin" lê biryareke wiha tune bûye. Piştre jinekê din a wezîfedar jî got ku “Biryareke wiha nîne”.
*Peyameke jinan jî ji bo raya giştî ye: Hevgirtina we bi bi hêz dike.
* Li dijî biryara dersînorkirinê û çavdêriya îdarî ya pêkan em ê pêvajoyê bişopînin.
* Jin dê bên dersînorkirin an na dê îro diyar bibe.
(EMK/AY)
