“Mafê jiyanê yê Mehmet Emîn Ozkanî binpê dikin”

Ji bo nûçeya tirkî / ingilîzî bitikîne

21 saziyên mafparêz û yên hiqûqê ji bo rewşa Mehmet Emîn Ozkan, girtiyê nexweş, daxuyaniyeke nivîskî a hevbeş weşandiye.

Ozkanê 83 salî û niha li Girtîgeha Tîpa Dyê ya Amedê tê girtin, di 26 salên girtîtiya xwe de pênc caran dilê wî sekiniye, nexweşiyên giran ên weke alzheimer, anevrizma, tansiyon, guatr û yên ji ber gurçikan û rêviyan lê peyda bûne. Nikare baş bibihîse û bibîne bi tena serê xwe jiyana xwe bidomîne.

Bixwîne - "Ji bo Mehmet Emîn Ozkanî sibe wê dereng be"

Digel ku berê rapor dabûnê û gotibûn nikare li girtîgehê bimîne, ew nehatiye tehliyekirin. Ji ber ku rewşa wî ya tenduristiyê di asteke xeter de ye, ji bo wî tehliye bikin, hewl didin raporên nû ji wî re bistînin.

Destê wî kelemçekirî we biribûn nexweşxaneyê

Di daxuyaniya hevbeş de saziyan diyar kirine ku tenduristiya Ozkanî piştî 17ê Gulana 2021an ketiye qonaxeke qeter û gelek caran ew birine nexweşxaneyan:

“Dema ew ji nexweşxaneyê birine Nexweşxaneya Perwerde û Lêkolînê ya Gazî Yaşargilî, destê wî kelemçekirî bû û di dîmenan de jî xuya dikir ku nikarî bû bimeşiya. Dema ew birine nexweşxaneyê ew bi nivînan kelemçe kirine û xwestine vî wiha derman bikin.

“Ji ber ku Ozkan li dijî vê derketiye, di nava meha dawiyê de gelek caran bêyî wî derman bikin, ew bi şûn de birine girtîgehê.

“Herî dawî Ozkan ji bo heyet raporê bide wî şandine Saziya Tipa Edlî ya Elezîzê. Heman pirsgirêk di vê dema standina rapora heyetê de jî dewam kirine.

“Digel temen û nexweşiyên Mehmet Emîn Ozkanî, ew li girtîgehê tê girtin, destê wî kelemçe dikin û kelemçeyê bi nivînê ve girê didin, ev û şert û mercên birin û anîna wî ya nexweşxaneyan, binpêkirina qedexeya îşkenceyê ye.

“Ji ber ku siheta wî di qonaxeke xeter de ye, mana wî ya di şertên girtîgehê de rîska binpêkirina mafê wî yê wiyanê derdixe holê. Ji bo Ozkan li girtîgehê can nede, di serî de em bang li Wezareta Dadê, Komîsyona Mafên Mirovan a TBMMyê û hemû saziyan dikin û dibêjin bi berpirsiyariya xwe rabin.”

21 saziyên ku navê wan di vê daxuyaniyê de derbas dibe

Baroya Edeneyê

Baroya Êlihê

Komeleya Civaka Sivîl a Di Sîstema Bicihanîna Cezayan

Komeleya Hiqûqnasên Hemdem

Baroya Amedê

Odeya Doktoran a Amedê

Komeleya Alîkariya bi Malbatên Girtî û Hikumxwaran re a Amedê

Komeleya Çavdêriyê ya ji bo Mafên Wekhev

Înîsiyatîfa Hatiye Dîtin

Komeleya Rojeva Mafên Mirovan

Baroya Mêrdînê

Komeleya Alîkariya Bi Malbatên Girtî û Hikumxwaran a Marmarayê

Federasyona Komeleyên Piştgiriyê û Hiqûqê ya Malbatên Girtî û Hikumxwaran a Medê

Komeleya Hiqûqnasên ji bo Azadiyê

Sendîkaya Kedkarên Xizmetguzariya Civakî û Tenduristiyê ya Amedê

Baroya Şirnexê

Weqfa Lêkolînên Civakî û Hiqûqî

Projeya Piştgiriya Dozên Mafên Mirovan a Tirkiyeyê

Baroya Wanê

Komeleya Azadiya Bîrê û Jiyanê

Komeleya Welatîbûnê

(AS/FD)