Wê nasnameyekê bidin kesên ku du caran derziya Covid-19ê li wan dane
Kesên du caran derziya Covid-19ê li wan dane, wê bikaribin bibin xwedî “Nasnameya Derziyê ya Komara Tirkiyeyê.”
Fotograf: AA
Ji bo nûçeya tirkî bitikîne
Wezareta Tenduristiyê aşkere kiriye ku kesên dua caran derziya Covid-19ê li wan dane, bi rêya sepana “Hayat Eve Sığar”/HES (Jiyan Li Nava Malê Dihewe) wê bikaribin nasnameya derziyê ji xwe re saz bikin.
Li gorî nûçeya Ajansa Anadolûyê zanyariyên derbarê vê nasnameyê de wiha ne:
- Li ser nasnameyê wê nav û paşnav, roja jidayikbûnê, jimareya nasnameya welatîbûnê û li gorî daxwazê whe nasnameya pasaportê jî bê nivîsandin.
- Her weha wê nav û dîroka lêdana derziyê û logoya “Geştiyariya ewle” ya Wezareta Çand û Hunerê hebe.
- Dema ew karekoda li ser kartê were xwendin wê sepana e-Nabız vebe û zanyariyên bi ingilîzî-tirkî di ekranê de xuya bibin.
Li gorî zanyariyên Wezareta Tenduristiyê weşandiye, heta îro derzî li 25 milyon û 296 hezar û 891 kesan dane. Doza yekem li ser hev li 14 milyon û 693 hezar û 688 kesan, doza duyem jî li 10 milyon û 603 hezar û 203 kesan dane.
(TP/FD)