Erdogan wê dozê li Kiliçdaroglûyî veke

Parêzerê Erdoganî gotiye ku ji ber daxuyaniyên wî yên derbarê “Plana revê” ya Erdoganî wê dozê li Kiliçdaroglûyî vekin.

Stenbol

Ji bo nûçeya tirkî bitikîne

Serokomar û Serokê Giştî yê Partiya Dad û Geşepêdanê (AKP) Recep Tayyîp Erdogan, xwe amade dike ku dozekê li dijî Serokê Giştî yê Partiya Gel a Komarî (CHP) Kemal Kiliçdaroglûyî veke.

Duh (24ê Gulana 2022yê) saet di 22.00ê de Kemal Kiliçdaroglûyî li ser hesabê xwe yê fermî yê Twitterê hin îdia derbarê TURGEV û Weqfa Ensarê de anîbûn ziman.

Kiliçdaroglûyî bi ser navê “Plana revê” weşana xwe kiribû û gotibû ku AKPyî pereyan bi rêya TURGEV û Weqfa Ensarê ve dişîne Weqfa TURKENê ya li DYAyê ava kirine û derbarê vî tiştî de jî belge liber destê wî hene.

Huseyîn Aydin, parêzerê Erdoganî daxuyaniyek weşandiye û gotiye ku ew ê “li dijî van buxtanên bêbingeh, ji derveyî aqil û mantiqî yên li dijî Birêz Serokomarê me, li dijî Kemal Kiliçdaroglûyî serî li rêyên yasayî bidin.”

Her du weqfan jî daxuyanî weşandiye

TURGEV û Weqfa ENSARê ku Kiliçdaroglûyî îdia kiribû û gotibû, ew her du pereyan dibin DYAyê, daxuyaniyeke hevbeş weşandiye.

Weqfan îdia qebûl nekirine û gotine ku ew li gorî yasayên DYAyê kar û xebatên xwe dikin û ew piştgiriya perwerdeyê didin xwendekarên Tirkiyeyi. (EMK/FD)

Recep Tayyip Erdoğan recep tayyip erdogan kemal kiliçdaroglû Recep Tayyîp Erdogan türken TÜRGEV Kemal Kiliçdaroglu TURGEV Weqfa Ensar TURKEN