* Fotograf: Halil Sağırkaya - Ankara / AA
Ji bo nûçeya tirkî / ingilîzî bitikîne
Serokomar û Serokê Giştî yê Partiya Dad û Geşepêdanê (AKP), Recep Tayyîp Erdogan, di Civîna Berfirehkirî ya Serokên Bajaran ên partiya xwe de axiviye. Erdoganî behsa daxwaza hilbijartina pêşwext a partiyên mixalif kiriye.
Erdoganî gotiye ku wê hilbijartin di Hezîrana 2023yan de bibe û wiha axiviye:
“Niha mixalefet, mixalefeta mezin çima xwe ewqas li erdê dixe? Dizanin, wê nikaribin bikevin pêşiya vê serkeftina ku AK Partî û MHPyê bidest xistiye. AK partî di nava demokrasiyên cîhanê de li serê wan mînakan e ku kare ewqas demeke dirêj desthilata xwe biparêze.”
“Hilbijartina pêşwext wê nebe”
“Xwedê hez bike em ê hilbijartina 2023yan jî qezenc bikin, em ê vê rekorê pêştir bibin. Hîna jî hilbijartina pêşwext, hilbijartina pêşwext…Yaw wê hilbijartina pêşwext nebe, Hezîrana 2023yan!
“Ev nizanin bi kê re dimeşin, ew çû. Ew roj derbas bûn. Karê qebîleyên hov e ku her ji 15-20 mehan carekê hilbijartinekê li dar bixe. Em partiyeke wiha ne ku tiştên niha jiyana modern, cîhan wan dike, pêk tînin.”
“Dehfik hene”
“Ti pêşketinên welatê me yên di 8 salên dawiyê de derketine, ne tiştên ji xwe ber, xwe dispêrin bûyerên siyasî, civakî, ekonomîk in. Li piş hemûyan jî pevxistin senaryo, defhikek heye. Bi alîkariya Xwedê û têgihînîya miletê me, kesên ev pêvajo bi rê ve birin, bi ser neketin lê ev nayê wê wateyê ku dest jê berdane.” (AS/FD)
