Serdozgeriya Dadgeha Bilind careke din daxwaza girtina HDPyê kiriye

Ji bo nûçeya tirkî / ingilîzî bitikîne

Serdozgeriya Komarî ya Dadgeha Bilind dwaxaza girtina Partiya Demokratîk a Gelan (HDP) kiriye.

Li gorî nûçeya Ajansa Anadolûyê Serdozgeriyê bi armanca girtina HDPyê îdianameyek amade kiriye û ew îdianame şandiye Dadgeha Destûra Bingehîn.

Di heman nûçeyê de hatiye diyarkirin ku îdianame ji 850 rûpelan pêk hatiye û tê de hatiye xwestin ku ji bo 500 HDPyî biryara qedexeya siyasetê derkeve. Her weha Serdozgeriyê daxwaz kiriye ku dest deynin ser hesabên bankeyan yên HDPyê. 

Bixwîne - Serdozgerê Dadgeha Bilind: Em îddanameya HDPê ji nû ve amade dikin

Çi bûbû? 

Dadgeha Bilind di 2ê Adara 2021an de derbarê Partiya Demokratîk a Gelan(HDP) de lêkolîn dabû destpêkirin.

Piştre Bekîr Şahîn, Serdozgerê Komarî yê Dadgeha Bilind di 17ê Adara 2021an de bi daxwaza girtina HDPê di Dadgeha Destûrî de doz vekiribû. Dadgeha Destûrî di 31ê Adara 2021an de îddaname qebûl nekiribû û bi şûn ve şandibû Serdozgeriya Komarî ya Dadgeha Bilind.

Bekîr Şahîn, Serdozgerê Komarî yê Dadgeha Bilind di 1ê Hezîranê de tevlî bernameya televizyona Haber Globalê bûbû û li ser pirsa îddanameya ku ji bo girtina HDPê hatibû amadekirin ya ji aliye dadgeha destûri ve nehatibû qebûlkirin, gotibû. “Em îddanameyê ji nû ve amade dikin.” (FD)