* Fotograf: Mehmet Ali Özcan - Ankara / AA
Ji bo nûçeya tirkî / ingilîzî bitikîne
Devlet Bahçelî, Serokê Partiya Tevgera Neteweperest (MHP) li navenda partiya xwe civîneke çapemeniyê pêk aniye û behsa pêşniyara xwe ya derbarê Destûra Bingehîn de kiriye.
Bahçeliyî gotiye, “Nîqaşên destûra bingehîn ên dîroka wê ya 145 salan heye, ambargo daniye ser jiyana me ya civakî û dewletê. Destûrên li ser bingehên berpirsiyariyên dewlet û miletan ên beramberî hev tên avakirin, ne ew cure metnin ku nabe werin guhertin. Nivîsandina destûrê wezîfeyeke bivê nevî ye.”
Bahçeliyî diyar kiriye ku wan xebata amadekirina pêşniyarê kiriye û qedandiye û metna wan a amadekirî, ji 100 xalan pêk hatiye.
Devlet Bahçeliyî gotiye ku ew ê metna amade kirine bi Serokomar Recep Tayyîp Erdoganî û AKPyê re par ve bikin û paşê jî wê bi partiyên din ên siyasî re par ve bikin:
“Nirxên hevpar ên miletê tirk”
“Me bi vîzyona 100 saliya Komara xwe destûr amade kir ku me ev taybetmendiyên bingehîn tê de nivîsandine: Ji 4 beş û 100 xalan pêk hatiye. Ne destûreke kurt an jî dirêj e, bi feraseta hiqûqa bingehîn a biqelîte sînorên wê hatiye diyarkirin.
“Beşa destpêkê li gorê wê ferasetê hatiye nivîsandin ku nirxên hevpar ên miletî tirk tê de dihewîne.
“Esasên giştî yên dewletê li gorî 5 xalên destpêkê û wesfeê wê, di xala 1em da hatine bicihkirin, di paragrafa yekem de hatiye gotin ku ‘ev xal nayê guhertin û nabe ku guhertina wê were pêşniyarkirin.”
“Sîstema Serokatiyê”
“Ew tiştên nediyar ên derbarê sedema rakirina parêzbendiya parlamenteran hatine zelalkirin.
“Sazûmana Sîstema Serokatiyê bi sîstema destûra nû re çêbûye, li gel Serokî hilbijartina 2 alîkarên serokê hatiye pêşniyarkirin.” (AS/FD)
