Demîrtaş: Bêyî aştî û pêkve jiyanê alternatîfek me nîne

Fotograf: Hesabê Twîtterê yê Selahhettîn Demîrtaş

Ji bo nûçeya tirkî / ingilîzî bitikîne

Selahettîn Demîrtaş, Hevserokê Giştî ê Partiya Demokratîk a Gelan(HDP) ku ji çar salî zêdetire li Girtîgeha Edîrneyê girtiye, ji bo Medyascope nivîsandiye. Demîrtaşî di nivîsa xwe de “banga wergirtina berpirsiyariyê ya ji bo aştiyê” li opozîsyona civakî û partiyên opozisyonê kiriye û weha gotiye:

“Trajediya ku di hefteyên borî de li Gareyê çêbûye, bi awayekî bi êş bi bîra me hemûyan xistiye ku aştî çiqas grîng û jiyanî ye.”

 “Heta niha ji aliyê hemû partiyên opozîsyonê ve ji bo çareseriyê gelek caran daxuyaniyên licîh hat dayîn. Lêbelê weke hevrastê van daxuyaniyan mixabin gavên bercesteyi nehat avêtin. Êş û mirin wê bidomin yan ji bo aştiyê her kes berpirsiyariyê digire û gavên berbiçav davêjin? Bi ya min ji bo aştiya me dema wêrekbûna zêdetir zûdaye hatiye û derbas dibe. Divê di vê çarçoveyê de ji bo hilberina polîtîkayên şênber zêde dereng neminin. Divê hemû derdorên aştîxwaz demildest bên gel hev û bi rêbazên hevpar projeyek çareseriyê a sîyasî pêkbînin û ji civakê re aşkere bikin.”

“Di serî de HDP divê hemû hêzên demokrasiyê ji bo aştiya navxweyî ya welat zêdetir însiyatîf bigire û ji bo ku civakê ji vê alozî û bêhêvîtiyê rizgarbikin divê nexşerêyeke şênber derxinîn holê. Di vî warî de hewldanên ciddî yên HDPê hene. Lewra divê rêvebiriya HDPê jî li gor van armancan ziman û şêwazê siyaseta xwe pêkbîne."

"Aşkereye ku nîqaşên girtina HDPê û rakirina parêzbendiyan wê ji bo aştiyê sûdbexş nebe. Ez hêvî dikim ku wê nekevin vê şaşiyê.”(DŞ/AY)