Piştî biryara DMMEyê ya ji bo Demîrtaşî îdianameya Kobaniyê hatiye amadekirin

Serdozgeriya Komarî a Enqereyê, di çarçoveya lêpirsîna bûyerên Kobaniyê de Selahettîn Demîrtaş jî di nav de derbarê 108 kesan de îdianame amade kiriye. Daîreya Mezin a DMMEyê biryar dabû û gotibû, bila Selahattîn Demîrtaş demildest azad bibe.

Stenbol

Piştî biryara DMMEyê ya ji bo Demîrtaşî îdianameya Kobaniyê hatiye amadekirin

Fotograf: AA

Ji bo nûçeya tirkî / îngilîzî bitikîne

Serdozgeriya Komarî a Enqereyê derbarê çalakiyên Kobanê yên ku di 6-8ê Çiriya Peşiya 2014an de pêk hatibû, îdianame amade kiriye.

Di îdianameyê de Selahattîn Demîrtaş, Hevserokê berê yê Giştî yê Partiya Demokratîk a Gelan (HDP) jî di nav de 108 kes weke “gumanbar” cîh digire.

Li gorî nûçeya Ajansa Anadolûyê serdozgeriyê di îdianameyê de xwestiye ku hemû gumanbar bi sûcên cuda yên wekî "Têkbirina yekîtiya dewlet û gel", "37 caran hewldane mirovan bikujin", "31 caran hewildana kuştinê", "şewitandina alayê" û dijayetiya "Qanûna Parastina Ataturk" bên cezakirin.

Îdianameya ku ji aliyê Serdozgeriya Komarî a Enqereyê û Buroya Lêpirsîna Sûcên Terorî ve hatiye amadekirin, ji 22em Dadgeha Cezayê Giran a Enqereyê hatiye şandin.

Her weha Daîreya Mezin a Dadgeha Mafên Mirovan a Ewropayê(DMME) biryar dabû û gotibû, bila Selahattîn Demîrtaş demildest azad bibe.(EKN/AY)

kobane Kobanê kobâne Selahattin Demirtas biryara DMMEyê Selahattin Demirtaş Selahattîn Demirtaş selahattîn demîrtaş Selahattin Demîrtaş bûyerên Kobanê serdozgeriya komarî ya Enqereyê lêpirsîna doza kobanên