Bulent Arinçî dest ji erka xwe ya Lijneya Bilind a Şêwirmendan berdaye

Piştî ku got divê Osman Kavala û Selahattîn Demîrtaş tehliye bibin û Erdoganî bêyî ku navê wî bibêje ew rexne kir, Bulent Arinçî dest ji erka xwe ya Lijneya Bilind a Şêwirmendiyê berdaye.

Stenbol

Bulent Arinçî dest ji erka xwe ya Lijneya Bilind a Şêwirmendan berdaye

Ji bo nûçeya tirkî / ingilîzî bitikîne

Bulent Arinçî li ser hesabê xwe yê Twitterê nivîsandiye ku wî dest ji erka xwe ya Lijneya Bilind a Şêwirmendiyê berdaye.

Arinç beşdarî bernameyeke kanaleke televizyonê bûbû û li wir gotibû ku divê Selahattîn Demîrtaş, Hevserokê Giştî yê kevn yê Partiya Demokratîk a Gelan (HDP) û karsaz, mafparêz Osman Kavala serbest bibin. Piştî vê daxuyaniya wî, Recep Tayyîp Erdogan, Serokomar û Serokê Giştî yê Partiya Dad û Geşepêdanê (AKP) û Devlet Bahçelî, Serokê Partiya Tevgera Netewperest (MHP) rexne li Bulent Arinçî kiribûn.
Arinçî li ser van rexneyan biryara xwe aşkere kiriye.

Serokatiya Ragihandinê ya Serokomariyê aşkere kiriye û gotiye, daxwaza Arinçî hatiye qebûlkirin: “Birêz Bulent Arinçî dawxaz kiriye ku ji erka xwe ya di nava Lijneya Bilind a Şêwirmendan a Serokomariyê berde, Birêz Serokomarê me ev daxwaza birêz Arinçî qebûl kiriye.” (HA/FD)

Recep Tayyip Erdoğan recep tayyip erdogan Recep Tayyîp Erdogan Selahattin Demirtas Bulent Arinç Lijneya Bilind a Şêwirmendan a Serokomariyê Osman Kavala Selahattin Demirtaş bülent arinc Selahattîn Demirtaş selahattîn demîrtaş Selahattin Demîrtaş