Ji bo nûçeya tirkî / ingilîzî bitikîne
Donald Trump, Serokê DYAyê gotiye, kesê wê bihata şûna Bexdadiyî jî hatiye kuştin. Trumpî ev daxuyanî li ser hesabê xwe yê Twitterê daye. Serokê DYAyê behsa navê kesê ku hatiye kuştin nedaye lê tenê gotiye leşkerên amerîkî ew kuştine û "ihtimaleke mezin e ku wê biba xwedî payeya herî bilind – Niha ew jî mir!"
Just confirmed that Abu Bakr al-Baghdadi’s number one replacement has been terminated by American troops. Most likely would have taken the top spot - Now he is also Dead!
— Donald J. Trump (@realDonaldTrump) October 29, 2019
Roja 27ê Çiriya Pêşiyê Serokê DYAyê di civîneke rojnamegeriyê de aşkere kiribû ku wan Ebûbekir Bexdadî, Serokê DAIŞê kuştiye.
Kobanî: Hevrêzîyeka rasterast a HSDyê...
Fermandarê hêzên Sûriya Demokrat Mezlûm Ebdî/Kobanî li ser Twîtera xwe nivîsand ku peyvdarê Daişê Ebû el-Hesen el-Muhacir hatiye kuştin.
Ebdî di twîta xwe de got: "Wek berdewamî ji operasyona berê re, terorîst Ebû el-Hesen el-Muhacir, destê rastê yên Ebû Bekir el-Bexdadî û peyvdarê rêxistina Daişê, li gundê Eyn el-Beyda li nêzîkî Cerablosê hate armanckirin."
Wî got ev êrîş bû bi riya hevrêziyeke rasterast di navbera istîxbaratên HSDê û artêşa Amerîkî de.
Serkirdeyê HSDê got ev berdewamiya êrîşên dijî serkirdeyên Daişê ye. (EMK/FD)
