“Gotinên Demirtaş û Onderî gotinên me ne. Bijî aştî, bijî azadî”

Ji bo nûçeya tirkî bitikîne

Cîgira Serokê Koma HDPyê (Partîya Demokrtîk a Gelan) Fatma Kurtulan piştgirî daye Selahattîn Demîrtaş û Sirri Sureyya Onderê ku bi sûncdarkirina “propagandaya sazîyan” cezayê hepsê standine.

Cîgira Serokê Koma HDPyê (Partîya Demokrtîk a Gelan) Fatma Kurtulan di civîna çapemenîyê a li meclîsê axivîye. Wê bertek daye cezayê ku dadgehan daye Selahattîn Demîrtaş û Sirri Sureyya Onderî.

Dadgeha Cezayê Giran a 26. a Stenbolê, 7ê Îlonê roja înê bi sûncê “propagandaya sazîyan” 4 sal û 8 meh cezayê hepsê dabû Selahttîn Demîrtaş, 3 sal û 6 meh jî dabû Sirri Sureyya Onder.

“Gotinên wan gotinên me ne”

Li gor nûçeya Ajansa Mezopotmyayê Fatma Kurtulan li ser mijarê wiha gotiye:

“Axaftina ku ji ber wê ceza hatiye dayin, di sala 2013an de ye. Ew dem hîn teqabûlî destpêka pêvajoya aştîyê dike.

“Di vê pêvajoyê de 3 jinên sîyasetmedar li parîsê hatibûne qetilkirin. Û diyar e ku wê wextê AKPyî jî van cînayetan provoke dikin.

“Hevalên me jî diyar kirine ku ji bo dayîk êdî negirîn divê ev pêvajoya aştîyê bileztir bê kirin û ew her sê hevalên jin jî bi bîr anîne.

“Piştî vê bûyerê bi sê salan di derheqa hevalên me de fezleke tê amadekirin û cezayan didin wan.

“Beyana wan bi xwe jî ye; ‘bijî aştî, bijî azadî’.

 “Em ê li hemberî cezayên ku didin hevalên me stûyê xwe netewînin, em ê bîat nekin.

“Gotinên wan gotinên me ne. Bijî aştî, bijî azadî.”

(EKN/VU/MB)

*Vahdet Uçarê ev nûçe ji zimanê tirkî ûwergerandiye zimanê kurdî