Ji bo nûçeya tirkî / ingilîzî bitikîne
Edîtorê bianet kurdiyê Aren Yildirm vê sibê birin Edliyeya Stenbolê ya li Çaglayanê. Li wir Yildirim derket pêşberî dozgerî.
Polîsan roja Çarşemê (15ê Amadê) saet di 06.00ê de girtibû li ser li mala Yildirimî ya li Uskudara Stenbolê û ew desteser kiribûn. Polîsan ew biribûn Midûreyeta Emniyetê ya Stenbolê. Di jêpirsînê de axavtinên Yildirimî yên bi rêya telefonî kirî, jê pirsîne.
Yildirim vê sibê piştî îfadeya xwe da dozgeriyê bêyî ku şertê kontrola edlî ji bo wî bixwazin, serbest bû.
Karûbarên rojnamegeriyê jê pirsîn
Parêzer Emrah Baranî ji bianetê re got ku di dema jêpirsînê de dozgerî pirsên derbarê karûbarên wî yên rojnamegeriyê de jê pirsin.
“Di sala 2020yan de lêpirsînnameyek ji bo wî hatiye amadekirin û biryar dane ku li axavtinên wî yên telefonê guhdarî bikin. Îro jî ev axavtin jê pirsîn. Ew derbarê nûçeyan de bi rêvebir û xebatkarên bianetê re axiviye û naveroka van hevdîtinan jî ev in. Nîqaşên ku di dema çêkirina nûçeyan de ji wî pirsin. Me jî got hemû axavtinên wî kirine, ji bo karûbarên rojnamegeriyê ne.”
Derbarê Aren Yildirimî de
Ji sala 2019an û vir ve edîtorê bianet kurdiyê ye. Wergêr, zimanzan û rojnameger e.
Nivîskarê pirtûka Rêbera Axavtinê ya Soraniyê û Bo Biyaniyan Kitêbî Fêrbûnû Kurdî ye. (AS/FD)
.jpg)
