Dadgehan di sala dawî de 133 sal cezayê girtîgehê li 47 rojnamegeran biriye

Ji bo nûçeya tirkî / ingilîzî bitikîne

Komeleya Rojnamegerên Dîcle Firatê (DFG) binpêkirinên mafan ên di 2021ê de li dijî rojnamegeran pêk hatine, ragihandiye.

DFGê rapora xwe li avahiya xwe ya li Amedê bi raya giştî re parve kiriye. Li gorî raporê binpêkirinên mafan ên di sala 2021an de pêk hatine weha ye:

• 55 rojnameger rastî êrişê hatine,
• 2 rojnameger hatine kuştin,
• Bi ser mala 9 rojnamegeran de girtine,
• 61 rojnameger hatine desteserkirin,
• 6 rojnameger hatine girtin,
• 23 rojnameger rastî îşkence û miemeleya xirab hatine,
• Gef li 11 rojnamegeran hatine kirin û sîxurtî lê ferz kirine,
• Şopandina nûçeyan ya 102 rojnamegeran hatiye astengkirin,
• Derbarê 54 rojnamegeran de lêpirsîn hatiye destpêkirin,
• Doz 51 rojnamegeran vekirine,
• Bi giştî 133 sal û 8 meh û 21 roj cezayê girtîgehê li rojnamegeran birine,
• 72 hezar 206 lîre li rojnamegeran hatiye birîn,
• 336 danişînê rojnamegeran pêk hatiye ku dadkirina wan didome,
• 62 rojnameger girtî ne
• 75 rojnameger ji kar hatine derxistin,
• Karta çapemeniyê ya rojnamegerek hatiye betalkirin,
• RTUKê 12 cezayê weşanê di nav de 59 ceza biriye,
• Saziya Îlanan ya Çapemeniyê bi giştî 115 roj cezayê reklaman daye 4 rojnameyan,
• 112 car biryara qedexeya weşanê derketiye,
• 64 malperên înternetê hatine girtin,
• 1460 nûçe hatine astengkirin.

Dîcle Muftuoglû, Hevseroka DFGê  di danasîna Rapora Binpêkirina Mafên Rojnamegeran a 2021an de axiviye û gotiye, “Nêzîkatiya desthilatê, zext û tiştên ku têkildarî azadiya çapemeniyê tên jiyîn ravî me dide ku Tirkiye ji bo rojnamegeran girtîgeh e.”

(HA/AY)