Dozgeriyê lêpirsîname ji bo rojnameger Ozgur Bogatekînî amade kiriye

Ji bo nûçeya tirkî / ingilîzî bitikîne

Dozgeriyê ji ber mesaja wî ya derbarê êrîşa nîjadperest a li Konyayê, lêpirsîname ji bo Ozgur Bogatekîn, Midûrê Nûçeyan ê Rojnameya Adiyaman Gerger Firatê de amade kiriye.

Bixwîne-Li Konyayê êrişa nijadperest: 7 kes qetilkirine

Bixwîne-Sancar: Berpirsiyarê sereke yê vê komkujiya hov desthilat e

Bixwîne - Qetlîama li Qonyayê: Hejmara desteserkiriyan bûye 14

Bogatekînî çûye Navenda Polîsan a Komarê ya Gergerê û li vir bi “kîndarî û dijminatî di nava gel de saz kiriye” hatiye tohmetkirin. Bogatekînî piştî îfadeya xwe daye, serbeset bûye.

“Dewletê mexdûr kir”

Bogatekînî di îfadeya xwe de gotiye ku mesaja navborî wî nivîsandiye û armanca wî ne tehrîkirina gel e:

“Min tenê bi wê armancê ew tişt weşand ku malbata li wir hatiye qetilkirin, dewletê ew mexdûr kirine û ji şertên parastinê fêde negirtine, min ev tişt rexne kir.”

Bogatekînî diyar kiriye ku êrîşa hatiye kirin êrîşeke nîjadperest e û wiha dewam kiriye: “Min karê rojnamegeriyê kir. Ez tawanên li min dikin qebûl nakim. Sazkirina dijminatî û kîndariyê ya di nava gel de ne armanca rojnamegeran e.”

Piştî êrîşa li Sakaryayê jî îfade dabû

Ozgur Bogatekînî par piştî êrîşa li ser karkerên demsalî ya li Sakaryayê jî peyamek li ser hesabê xwe yê Facebookê weşandibû û ji ber wê mesajê jî bi heman tiştî hatibû tawankirin. Dozgeriyê biryara peyneketinê dabû.

(HA/FD)