Fotograf: MA
Ji bo nûçeya tirkî bitikîne
Yaşar Aslan 30 sal in di girtîgehê de ye. Niha li Girtîgeha Tîpa Fyê ya Hejmara 2yem a Tekîrdagê ye. Lijneya Rewşa Başiyê digel ku Aslanî cezayê lê hatiye birîn qedandiye, ew tehliye nekiriye.
Li gorî nûçeya MAyê, Lijneyê bi mehneya ku “poşman nebûye” cara duyem e taloq kiriye.
Wê di 27ê Kanûna Pêşiyê ya 2022yan de tehliye bûba
Aslan dema xwendekarê Fakulteya Hiqûqê yê Zanîngeha Dîcleyê bû, di Kanûna Pêşiyê ya 2022yan de, bi sedemên siyasî hatibû girtin. Dadgeha Ewlehiyê ya Dewletê (DGM) ew dadgeh kiribû û cezayê miebetê lê birîbû.
Li gorî qanûnan Aslan diviyabû ku du 27ê Kanûna Pêşiyê ya 2022yan de tehliye bûba. Lê bi mehneya ku “poşman nebûye” tehliyekirina wî 3 mehan taloq kirin.
Lijneya Rêvebir û ya Çavdêriyê ya Girtîgehê di 27ê Adarê de careke din rewşa Aslanî nirxandiye lê dîsa bi heman mehneyê tehliyekirina wî 3 mehan taloq kiriye.
Birayî wî Muslum Aslan ji MAyê re gotiye, ya li birayê wî dikin îşkenceyeke demdirêj e. “Divê komeleyên mafên mirovan û her kesên ji xwe re dibêjin demokrat, pêşverû û rewşenbîr li dijî van helwestên dadgehên li gorî serê xwe tevdigerin bibêjin ‘bes e’ û berteka xwe nîşan bidin.”
Aslanî destnîşan kiriye ku ger tiştek bi serê birayê wî were berpirs wê lijneya biryara taloqkirinê daye, be.
HDPyê biriye rojeva Parlamentoyê
Wekîla Serokê Koma Partiya Demokratîk a Gelan (HDP) Meral Daniş Beştaş mijar biriye rojeva Parlamentoyê û bertek nişan daye.
Parlamentera HDPyê ya Mêrdînê Pero Dundarê jî têkildarî mijarê pirsyarnameyek pêşkêşî Parlamentoyê kiriye û xwestiye Wezareta Dadê pirsên wê bibersivîne. (AS/FD)
