Ji bo nûçeya tirkî / ingilîzî bitikîne
Serokomar Recep Tayyîp Erdoganî biryar daye ku lidarxistina grevên li du fabrîkayên Bekaert Çelîkê yên li Kocaeliyê heta 60 rojan betal bibin. Biryar di Rojnameya Fermî de weşiyaye.
Sendîkaya Birleşik Metal-İş û ya Ozçelik-İşê biryar dabû ku li her du fabrîkayan grevan li dar bixin. Erdoganî ji ber sedema ku “wê ewlehiya netewî têk bibe” û li gorî Xala 63yê ya Qanûna Peymana Karkirinê û Sendîkayan a Hejmara 6356ê biryara taloqkirina grevan daye.
Birleşik Metal-İş: Serokomarî dîsa alîgiriya samanê kiriye”
Piştî ku Erdoganî çêkirina grevê taloqkir, Birleşik Metal-İşê daxuyaniyek weşandiye û gotiye: “Serokomarî dîsa alîgiriya samanê kiriye. Greva karkerên li Beraertê ya li Kocaeliyê qedexe kiriye. Karker wê vê qedexeya grevê ya bêhiqûqî nepejirînin. Mafê xwe yê Destûra Bingehîn û yasayên hatine pejirandin ên navnetewî dane wan wê bikar bînin û saet di 13.00ê de greva xwe ya qanûnî bide destpêkirin.”
Sendîkayê her weha biryara ku Dadgeha Destûrî di 2018ê de dabû bibîr xistiye. Lijneya Wezîran di wê demê de biryar dabû ku greveke karkeran taloq bibe. Sendîkayê serî li Dadgeha Destûrî dabû. Dadgeha Destûrî jî biryar dabû ku mafê karkeran hatiye binpêkirin.
Di dema AKPyê de 19 grev taloq bûne
Ji roja ku AKP bûye hikûmet ango ji Çiriya Paşiyê ya 2020ê û heta niha, 19 caran biryarên lidarxistina grevan taloq kiriye. AKPyê biryarên xwe bi sedema “wê ewlehiya netewî, tenduristiya giştî, ekonomî, îstîskara fînansî û xizmetguzariya hatinûçûnê ya cemawerî ya navbajêr têk biçe” dane.
Heta sala 2016ê Lijneya Wezîran çêkirina grevan taloq dikir, ji wê demê heta 2018ê bi Qanûna Rewşa Awarte û piştî wê jî bi biryarên Serokomariyê hatine taloqkirin. Ji ber 19 grevên hatine qedexekirin, bandor li nêzîkî 195 hezar karkeran bûye.
Grevên ku heta niha hatine taloqkirin ev in
- 2003 Petlas A. Ş. 350 karker
- 2003 Şişecam 5 hezar karker
- 2004 Şişecam 5 hezar karker
- 2004 Pirelli, Good Year, Brisa 5 hezar karker
- 2005 Erdemir Madencilik AŞ 400 karker
- 2014 Şişecam 5 hezar û 800 karker
- 2014 Kargeha Komirê ya Çayirhan û Çollolarê hezar û 500 karker
- 2015 MESS Grup TIS 15 hezar karker
- 2017 (Rewşa Awarte) Asil Çelik 600 karker
- 2017 (Rewşa Awarte) Emis Grup TIS 2 hezar û 200
- 2017 (Rewşa Awarte) Akbank 14 hezar karker
- 2017 (Rewşa Awarte) Şişecam 6 hezar û 500 karker
- 2017 (Rewşa Awarte) Mefar İlaç 500 karker
- 2018 (Rewşa Awarte) MESS Grup TIS 130 hezar karker
- 2018 (Rewşa Awarte) Soda Kromsan-Şişecam 890 karker
- 2019 Izban 324 karker
- 2020 Soda Sanayii AŞ 557 karker
- 2022 Bekaret Çelik Kord Sanayi 400 karker
- 2022 Bekaert Çelik Kord Sanayi 560 karker
Çavkanî: Aziz Çelik
(HA/FD)
