Polîsan welatiyên Tokatkoyê desteserkirine

Ji bo nûçeya tirkî bitikîne

Şeva borî (1ê Îlonê) saet di 03:00an de bi sedan polîs ketin Kolana Tokatkoyê. Polîsan deriyên malên welatiyan şikandine û welatiyên ku nexwestine ji malên xwe derkevin jî desteserkirine.

Welatiyê ku deriye malê wî ji aliyê polîsan ve hatiye şikandin, ji piş ve kelepçe li desta xistine û desteserkirine. Welatiyan bertek nîşanî lêdana polîsan a welatiyê desteserkirî dane.

Kel û Pelên welatiyan avêtine kolanan

Li gorî nûçeya Firat Fistik a li Sozcuyê hatiye weşandin, hin welatiyên ku Şaredariya Beykozê xwestiye malên wan hilweşîne, li dijî hilweşînê nerazîbûn nîşan dane û çûn ser banê xaniyên xwe.

Eşyayên hin welatiyan ji aliyê rayedarên şaredariyê ve avêtin kolanê.

Polîsan guleyên plastîk û gazê careke din li welatiyan reşandine.

Li gorî nûçeya Halk TVyê polîsan rojnameger asteng kirine ku nehiştîne dîmenê hilweşandina xaniyan bigire.(TY/AY)