Ji bo nûçeya tirkî bitikîne
Rêvebiriya girtîgehê îddia kiriye ku Taner Atmacayê 25 salî ku li Girtîgeha Girtî ya Tîpa Mya Êlihê girtî bû, hewl daye xwe bikuje.Duh êvarê li Nexweşxaneya Lêkolîn û Perwerdehiyê ya Êlihê miriye.
Li gorî nûçeya Ajansa Mzepotamyayê, cenazeyê Atmaca piştî otopsiyê radestî malbatê kirine. Cenaze bi şev li goristana Taxa Girbereşkê hatiye definkirin.
Bixwîne- Di sê mehan de li 17 girtîgehan 1589 caran mafên girtiyan hatine binpêkirin
Malbata wî gilî kiriye
Taner Atmaca di 27ê Tîrmehê de li Êlihê ji ber bûyereke edlî hatibû desteserkirin û piştre hatibû girtin. Her weha piştî girtinê Atama birine Girtîgeha Girtî ya Tîpa M ya Êlihê. Hatiye îddiakirin ku di 29ê Tîrmehê de hewl daye xwe bikuje.
Rêveberiya girtîgehê 2 roj piştî bûyerê di 31ê Tîrmehê de li malbata Atmaca geriyaye û agahî daye malbatê ku Taner xwe kuştiye. Atmaca ji bo dermankirinê birine Nexweşxaneya Perwerdehiyê û Lêkolînê ya Êlihê.
Malbat çûye Serdozgeriya Komarî ya Êlihê giliyê rêveberiya girtîgehê kiriye. Her weha malbatê daxwaza dayîna dîmenên bûyerê kiriye lêbelê ji aliyê dozgeriyê ve nehatiye qebûlkirin.(AS/AY)
