Ji bo nûçeya tirkî bitikîne
Dadgeha Mafên Mirovan a Ewropayê (DMME) îro biryara xwe ya derbarê Serokê Rûmetê yê Lijneya Rêveber ê berê yê Rêxistina Efûyê ya Navnetewî de biryara xwe aşkere kiriye.
DMMEyê diyar kiriye ku mafên Kiliçî hatine binpêkirin. Kiliç di sala 2017ê de hatibû girtin.
Li gorî vê biryarê, DMMeyê gotiye ku ji ber Kiliç di navbera sala 2017 û 2018ê de girtî maye, mafê wî yê azadiyê û ewlehiyê (Xala 5.1, 5.3 û 5.5ê ya Peymana Mafên Mirovan a Ewropayê) û mafê wî yê azadiya xweîfadekirinê (Xala 10ê) hatine binpêkirin.
Rêxistine Efûyê ya Navnetewî, piştî vê biryarê daxuyaniyek weşandiye û gotiye ku bila Tirkiye biryara cezakirinê ya Taner Kiliçî xera bike.
Taner Kiliç li Dadgeha 35ê a Cezayê Giran a Stenbolê dihate dadgehkirin û heyeta dadgehê 6 sal û 3 meh cezayê girtîgehê li Kiliçî birîbû. Dosyeya Kiliçî ji 2020ê û vir ve li ber destê Dadgeha Bilind e. Ger Dadgeha Bilind vî cezayî bipejirîne wê Kiliç du sal û nîvê din li girtîgehê bimîne. (HA/FD)
