Ji bo nûçeya tirkî bitikîne
“Xelatên Azadiya Xweîfadekirinê û Ramanê ya Ayşenûr Zarakolûyê” ya 20an, îsal li ser navê Aysel Tûglûkê wê bidin hemû girtiyên nexweş û Piştevaniya ji bo Taksîmê.
Şaxa Stenbolê ya IHDyê piştî mirina mafparêz Ayşenûr Zarakolûyê ji 2003yê û vir ve li ser navê wê “Xelata Azadiya Xweîfadekirinê û Ramanê ya Ayşenûr Zarakolûyê” dide.
IHD xelatan dide kesên ku ji bo mafparêziyê têkoşîna demokrasiyê û aştiyê didin û bi gotina IHDyê, ”Kes, sazî û derdorên ku rêberiyê ji civakê re dikin, hêviyê didin civakê.”
"Em kesên di Doza Geziyê de hatine girtin, silav dikin"
Di daxuyaniyê de hatiye gotin ku desthilat hemû mixalifan dike hedef û dixwaze zext û zorê li ser hemû derdoran bike:
"Em Aysel Tûglûk û Osman Kavala, Mucella Yapcici, Cîgdem Mater, Hakan Altinay, Can Atalay, Mîne Ozerden, Yîgît Alî Ekmekçî û Tayfûn Kahramanê bi cezayên giran hatin cezakirin û girtin, silav dikin.”
Derbarê Ayşenûr Zarakolûyê de
Mafparêz û xwediya Weşanên Belgeyê Ayşe Nûr Zarakolû di 28ê Rêbendana 2002yan de ji ber pençeşêrê çû ber dilovaniya xwe. Xelatên Azadiya Xweîfadekirinê û Ramanê ya Ayşenûr Zarakolûyê ji bo bîranîna yek ji avaker û rêveberên İHDyê Ayşe Nûr Zarakolûyê ji sala 2002yan û vir ve tê dayin. (TY/AÖ/FD)
