Li girtîgehan elektrîk tên birîn û kalorîfer girtîne

Ji bo nûçeya tirkî / îngilîzî bitikîne

Komeleya Civaka Sivîl di Sîstema Girtîgehan de (CISST), rapora xwe ya mehane ya girtîgehan ya têkildarî giliyên ji ber Covîd-19ê weşandiye. 

Ji destpêka pandemiyê heta niha li 185 girtîgehên cûda serlêdan ji bo komeleyê hatine kirin. Ji wan 130 girtîgehên girtî ne û 55 jî yên vekirîne.

Girtî jî weke kesên li “derve” ji zêdebûna fatûreyên elektrîkê û birîna elektrîkê gilîkar in.

Her tim elektrîkê dibirin

Rapora dawî li gorî giliyên di navbera 1-31 Kanûna Paşiyê de hatiye kirin amade bûye.

Pirsgirêkên ku girtî pê re rû bi rû dimîne di raporê de bi ser nava “Tedbîrên Paqijiyê û Rewşa Giştî” weha hatine rêz kirin.

• Li hin girtîgehan nivîn, betanî, lihêf û çarşefên li girtiyan tên belavkirin hatine bikaranîn û gemarî ne û girtiyên alerji pê re ne nikarin van berheman bikirin.
• Li hin qawişên girtîgehan ji ber qelebalixê herikîna hewayê ya paqij nîne,
• Li hin girtîgehên girtî ji ber ku şibakeyên qawişê biçûk in û têra xwe nikarin bên hewakirin.
• Li hin girtîgehan gardiyan li gorî dûrbûna civakî tevnagerin û di dema jimartinê de maskeyê nadin ber devê xwe,
• Li hin girtîgehan gardiyanan tedbîrên paqijiyê kêm kirine û bê maske dikevin qawîşan,
• Li hin girtîgehan di nava rojê de kalorîfer tên girtin û ji ber vê yekê pirsgirêka germkirinê heye,
• Li hin girtîgehan tim û tim elektrîkê dibirin,
• Hatiye diyarkirin ku buhayê elektrîkê yê hin girtiyan roj bi roj zêde dibe û malbat ji ber zehmetiyên aboriyê nikarin pereyê elektrîkê bidin.

Ji bo tevahiya raporê bitikîne

(AS/AY)