Li Êlihê di sala 2021an de 5 hezar û 19 bûyerên binpêkirinê qewimîn e

Ji bo nûçeya tirkî / îngilîzî bitikîne

Şaxa Komeleya Mafên Mirovan(IHD) ya Êlihê Rapora Binpêkirinên Mafên Mirovan ya sala 2021an aşkere kiriye. Rêveberê şaxê Ahmet Şîray diyar kiriye ku li bajêr hejmara bûyerên binpêkirinê zêde bûne û li tevahiya bajarê Êlihê di sala 2021an de 5 hezar û 19 bûyerên binpêkirinê qewimîn e.

Îşkence li 35 kesan hatiye kirin

Li gorî daxuyaniya Şîrayî di sala 2021an de gelek kesan serî li Şaxa IHDyê ya Êlihê dane. Şîrayî diyar kiriye ku li her beşên civakê welatî rastî binpêkirinan hatine û weha gotiye, “ 35 kes di girtîgehan de rastî îşkence û miemeleya xirap hatine, sûxurtî li 32 kesan hatiye ferzkirin û bi îşkenceyê re rûbirû hatine hîştin.”

Her weha Şîray destnîşan kiriye ku ji ber tedbîrên pandemiyê jî binpêkirinên mafan qewimîn e û gotiye, “Bi sedema ku tedbîr binpêkirine cezayê pereye edlî û îdarî li 139 kesî hatiye birîn.”

Şîrayî bi lêv kiriye ku di sala 2021an de li tevahiya bajêr polîs û eskeran bi ser 112 malan de girtine, 6 jê zarok 474 kes desteserkirin e, 67 kes hatine girtin û wiha gotiye: “Bi hêceta sînordarkirinên pandemiyê binpêkirine ji 139 kesan re cezayê pere û îdarî hat birîn. Walitiyê li navenda Êlihê hemû 6 caran hemû çalaki qedexe kirine. Ji 193 kesên fikrên xwe anîne ziman re danekirinên îdarî pêk anîne. Di nava salê de gelemperiyê Êlihê bi giştî 5 hezar û 19 binpêkirinên mafan hatin tespîtkirin. Zêdetirî van binpêkirinên mafan li girtîgehan, li ser azadî û ewlehiya kesan, li ser azadiya fikr û raman û li ser qedexeya îşkenceyê pêk hatine.”

(AEK/AY)