Ji bo nûçeya tirkî / îngilîzî bitikîne
Nexweşê giran Mehmet Emîn Ozkan û kurê wî Ahmet Ozkan ku di heman qawişê de dimînin bi vîrûsa Covîd-19ê ketine.
Li gorî nûçeya Gulcan Dereliyê ku di Yenî Yaşamê de weşiyaye, Nevzat Ozkan diyar kiriye û gotiye, duh ew ji bo hevdîtina bav û birayê xwe çûye girtîgehê. Her weha Ozkanî fêr bûye ku bav û birayê wî bi Covîd-19ê ketine û di karantînayê de ne.
Ozkanî weha gotiye, “Ozkan, bi lêv kir ku bavê wî beriya 3-4 rojan biribûn Saziya Tiba Edlî ya Stenbolê û wiha got: “Tevî nexweşiyên xwe jî 2 sal in bi koronayê neketibû. Me nedixwest êdî bibin Stenbolê. Bi darê zorê ew birin. Adlî Tibê gotine bînin. Ji xwe nexweş e, ewqas rê dibin jî lê tu encam dernakeve. Êdî ji bo ku eziyet lê neyê kirin me got nebin lê guhdariya me nekirin.”
Ozkan daye zanîn ku ew ji jiyana bav û birayê xwe bi fikar in û xwest ku bavê wî demildest were berdan.
Herweha Ozkan destnîşan kiriye ku bavê wî demekî dirêj e hişê xwe winda kiriye û xwest ku ev zilm bi dawî bibe.”
Çi bûbû?
Ozkanê 83 salî 25 sal in girtî ye.
Bixwîne - "Ji bo Mehmet Emîn Ozkanî sibe wê dereng be"
Heta niha pênc caran dilê wî sekiniye, nexweşiyên giran ên weke alzheimer, anevrizma, tansiyon, guatr û yên ji ber gurçikan û rêviyan lê peyda bûne. Nikare baş bibihîse û bibîne bi tena serê xwe jiyana xwe bidomîne.
Digel ku berê rapor dabûnê û gotibûn nikare li girtîgehê bimîne, ew nehatiye tehliyekirin. Ji ber ku rewşa wî ya tenduristiyê di asteke xeter de ye, ji bo wî tehliye bikin, hewl didin raporên nû ji wî re bistînin.
Bixwîne - "Mafê jiyanê yê Mehmet Emîn Ozkanî binpê dikin"
Herî dawî vîdeoyek hatibû weşandin ku tê Mehmet Emîn Ozkan hebû û leşkeran ew dibirin nexweşxaneyê. Di vê vîdeoyê de jî hate dîtin ku Ozkan nikare bimeşe û nexweşê giran e. Digel vê rewşê kelemçeya destê wî dernexistine û Saziya Tipa Edlî gotiye ku “ew dikare li girtîgehê bimîne.”
Mehmet Emîn Ozkan bi tohmeta ku di dema qetlîama Liceyê de tiliya wî di kuştina Bahtiyar Aydin, Fermandarê Herêmê yê Cendermeyan de heye girtî ye. Lê piştî 20 salan ji qetlîamê dozgeriyê gotiye ku albayê teqawidbûyî Eşref Hatîpoglû, Fermandarê Alaya Cendermeyan ê Amedê persiyarê qetlîamê ye.
Li Liceyê, navçeya Amedê di 22yê Çiriya Pêşiyê ya 1993yan de 14 sivîl û Bahtiyar Aydin li gel leşkerekî miribûn. Doza Lîceyê di 8ê Kanûna Pêşiyê ya 2018an de bi biryara beraetê ya ji bo Eşref Hatîpoglûyî qediyabû.
Dadgehê gotibû ku berpirsiyar ne Hatîpoglû ye û bersiv nedabû wê pirsê ku bê ka kê 16 kes kuştine.
Di îdianameya vê dozê de hatibû gotin, berpirsiyar ne weke ku wê demê gotibûn, leşker in lê ne rêxistine.
Di îdianameyê de hatibû diyarkirin ku “derbarê beşdarbûna Mehmet Emîn Ozkanî ya vê çalakiyê de ti zanyarî nînin.”
Mehmet Emîn Ozkan 8 sal berê careke din di vê dosyayê de hate dadgehkirin ku berê ceza jê xwaribû. Lê ne hate tehliyekirin ne jî delîlên nû yên hatin nirxandin. (AS/AY)
