Fotograf: Malpera Parlamentoya Ewropayê
Ji bo nûçeya tirkî / ingilîzî bitikîne
Parlamenterên endamên Koma Dostaniya Kurdan a Parlamentoya Ewropayê xwestiye lêkolîn li ser wan îdiayan bibe ku dibêjin Tirkiyeyê li Herêma Kurdistanê çekên kimyewî bikar aniye.
François Alfonsi (Greens/EFA, Fransa), Andreas Schieder (S&D, Awistirya), Nikolaj Vilumsen (LEFT, Danîmarka) bang li Neteweyên Yekgirtî kiriye û xwestiye lêkolîneke navnetewî li ser van îdiayan bibe.
Di metna navborî de parlamenteran gotiye ku, ji sedî zêdetir parlamenter, rojnameger, rewşenbîr, jinparêz û endamên rêxistinên civaka sivîl van îdiayan tînin ziman.
Endamên Komê ji Sekreterya Giştî ya Neteweyên Yekgirtî, Rêxistina Qedexekirina Çekên Kimyewî û Têkiliyên Bêçekirinê ya NYyê xwestiye komîsyoneke serbixwe ava bikin.
Her weha di daxuyaniyê de wan wiha gotiye: “Polîtîkayên agresîf ên Tirkiyeyê yên li dijî rêveberiyên kurdan ên li Iraq û Rojavayê, hiqûqa navnetewî binpê dikin, ger midaxeleyî vê nekin, helwesta Tirkiyeyê bi berdewamî wê gefê li aştiya li herêmê bixwe.”
Ji bo tevahiya rapora (ingilîzî) bitikîne
(AS/FD)
