Ji ber çalakiyên Geziyê 15 kes bi 93 salan ceza kirine

Ji bo nûçeya tirkî / ingilîzî bitikîne

Li Erzîncanê dadgehkirina 15 kesên ku beşdarî çalakiyên berxwedana Geziyê bûne bidawî bûye. Dadgehê di navbera 2 sal û 6 mehan û 8 6 sal û 8 mehan de cezayê girtîgehê daye wan.

Bersûc bi tohmeta ku “li dijî Qanûna Civîn û Meşên Xwenîşandanê ya hejmar 2911ê derketine” û “ji bo nehêlin wezîfeyê bikin li ber xwe dane” dihatin dadgehkirin.

2yem Dadgeha Cezayê Giran a Erzîncanê biryara xwe di 21ê Çiriya Pêşiyê de aşkere kiriye.

Dadgehê her yek ji wan 6 sal û 8 meh cezayê girtîgehê daye 10 kesan û her yek ji wan 6 sal û 2 meh cezayê girtîgehê daye çar kesan.

2 sal û 6 meh ceza jî daye bersûcekî.

Li gorî vê rewşê li ser hev 93 sal û 10 meh cezayê girtîgehê daye li bersûcan.

Dadgehkirinê 8 salan dewam kiriye

Îdianame piştî ku hatibû amadekirin bi salekê ango di 13ê Gulana 2014an de hatibû qebûlkirin û doz hatibû vekirin.

Dadgehkirin piştî 8 salan biencam bûbû.

2yem Dadgeha Cezayê Giran a Erzîncanê di danişîna 35an de biryara xwe aşkere kiriye.

Parêzerên wan li dijî biryarê serî li Dadgeha Edliyeyê ya Herêmî ya Erzeromê dane. (AS/FD)