Fotograf: AA
Ji bo nûçeya tirkî / îngilîzî bitikîne
Doktor Omer Farûk Gergerlîoglû, parlamentere Kocaelîyê yê Partiya Demokratîk a Gelan(HDP) piştî ku parlamenteriya wî hat betalkirin li meclîsa nobeta edaletê dabû destpêkirin. Rêxistinên Civaka Sivîl jî piştgirî dane Gergerlîoglû.
Daxuyaniya 13 rêxistinên mafparêz weha ye:
“Em bi Omer Farûk Gergerlîoglûyî re ne! Li gor xala 80emîn a Dadgeha Destûra Bingehîn xespkirina mafê parlamenteriya Omer Farûk Gergerlîoglû li ser navê demokrasiya me cîhê rûreşiyê ye. Gergerlîoglû nûnerê tevahî welatiya ne li meclîsê.”
Bila Dadgeha Destûrî biryara binpêkirina maf bide
“Em li gel têkoşîna maf, hiqûq û demokrasiyê ya Omer Farûk Gergerlîoglûyî ne. Em li bendê ne Dadgeha Destûrî demildest serlêdanê lêbikole û biryarê bide ku mafê Gergerlîoglû hatiye binpêkirin.”
Rêxistinên maf yên daxuyanî dane ev in:
Însiyatîfa Welatiyan a Bodrûmê, Meclîsa Enqereyê ya Hewldana 78an, Hewldana Azadiya Fikir a Enqereyê, Koma Diyalogê ya Yekitî Ji Bo Demokrasiyê, Platforma Komeleyên Rojhilat û Başûrê Rojhilat, Komeleya Çavdêriyê ya Mafên Wekhev, Platforma Edalet û Maf, Komeleya Rojeva Mafên Mirovan, Komeleya Rojnamegeriya Serbixwe a Punto 24ê, Forûma Çandê a Tirkiye-Almanyayê, Hewldana Welatiyan û Komeleya Welatîbûnê.
(EMK/AY)
