Platforma Jinan a Enqereyê: Em ê di 8ê Adarê de li Meydana Sakaryayê bin

Fotograf: JînNews

Ji bo nûçeya tirkî bitikîne

Platforma Jinan a Enqereyê ji bo 8ê Adarê Roja Jinên Cîhanê li Sendîkaya Kedkarên Buroyê(BES) ya Enqereyê civîna çapemeniyê li darxistiye.

“Em ê cîhaneke jin lê azad û wekhev bijîn ava bikin” 

Di civînê de metna platformê Esma Çaglakê xwendiye û bang kiriye ku jin li dijî polîtîkayên dijminatiya jinan û hemû êrîşan di 8ê Adarê de wê derkevin qadan û wiha gotiye: “Me jinan hemû destkeftiyên xwe bi têkoşîneke mezin bi dest xistin. Ji bo em zêdetir qezenç bikin em ê têbikoşin. Em ê Peymana Stenbolê bidin sepandin. Em ê nehêlin ku piştevaniya jinê bê darizandin û dawiyê li kuştina jinan bînin. Em ê cîhaneke jin lê azad û wekhev bijîn ava bikin. Di her qada jiyanê de, li dijî cihekarî, xizanî, tundiya dewlet û zilamî em ê têkoşîna xwe mezintir bikin."

"Em bang li hemû jinan dikin ku 8ê Adarê bi coş û serhildana xwe pêşwazî bikin. Em ê di 8ê Adarê de di saet 14.30an de li Meydana Sakaryayê kom bibin.”

(EMK/AY)