Onderoglû: Divê encamên dozê ji bo hemî kesên beşdarî hevgiriyê bûyîn baş be

Ji bo nûçeya Tirkî / İngilîzî bitikîne

Sê rojnamegerên ji bo hevgiriyê ji bo rojnameya Ozgûr Gûndemê bûbûn “Nobedarên Weşanê” hatin dadkirin. Berpirsê Rêxistina Rojnamegerên Sînornenas(RSF) yê Tirkiyeyê û rapornivîsê BIAyê Erol Onderoglû, seroka Weqfa Mafên Mirovan a Tirkiyeyê Prf. Dr. Şebnem Korûr Fîncanci û nivîskarê Ahmet Nesîn hatin dadkirin.

BIXWÎNE: Li Nobedarê Ozgûr Gûndemê Çelikkanî 18 meh, li Ustunê jî 15 meh cezayê hepsê birîn

Korûr Fîncanci û Onderoglû li Dadgeha Cezayên Giran a 13. a Stenbolê beşdarî dadkirinê bûn. Nesîn beşdar nebû.

Nûnerên rêxistinên navneteweyî jî beşdarî dadkirinê bûn.

Serokê dîwana dadkirinê Bûlent Dalkiran e û endamên dîwanê Pinar Gezen Atanian û Kadrî Aslan in. Dîwanê biryar da ku ji navnîşana mala Nesînî ya li derveyî welatî parastina wî dê bi nivîskî bê xwestin.

Onderoglû: Bêhêvî me

Piştî dadkirinê Onderoglûyî ji bianetê re got ew ji bo encameka qenc bêhêvî ye.

“Gelek zehmet e ku di vê dema Rewşa Awarte de em encameka erênî ji dadkirinê hêvî bikin.

“Divê encamên dozê ji bo hemî kesên beşdarî hevgiriyê bûyîn baş be.”

Çi bûbû?

Piştî 24ê Tîrmeha 2015ê pevçûnan dest pê kir, gelek doz li Ozgûr Gûndemê hatin vekirin. Li hemberî zordariyan Ozgûr Gûndemê Kampanyaya Nobedariya Berpirsiyariya Weşanê da dest pê kirin.

Doza ''propagandaya rêxistina terorî'' li wan kesên ku ji bo rojekê bûbûn berpirsên weşanê, hat vekirin.

Nobedarên Weşana Ozgûr Gûndemê, 38 rojnameger bi sûcên "propagandaya ji bo rêxistina terorî" û "çapkirin û belavkirina bang û daxuyaniyên rêxistinên terorî bi Xala 6. a Qanûna li Dijî Terorê ya 3713ê têne dadkirin.

Navê rojnamegeran: A. Kumru Başer, Ahmet Nesin, Ayşe Batumlu, Ayşe Düzkan, Beyza Üstün, Can Dündar, Celal Başlangıç, Celalettin Can, Cengiz Baysoy, Çilem Küçükkkeleş, Derya Okatan, Dicle Anter, Erol Önderoğlu, Ertuğrul Mavioğlu, Faruk Balıkçı, Faruk Eren, Fehim Işık, Hüseyin Tahmaz, Hakkı Boltan, Hasan Cemal, Hasan Hayri Şanlı, İbrahim Bodur, İhsan Çaralan, Julide Kural, M. Ali Çelebi, Murat Çelikkan, Murat Uyurkulak, Nadire Mater, Necmiye Alpay, Nevin Erdemir, Öncü Akgül, Ragıp Duran, Said Sefa, Şanar Yurdatapan, Şebnem Korur Fincancı, Tuğrul Eryılmaz, Veysi Altay, Yıldırım Türker.

Sê kesên beşdariya kampanyayê kiribûn; berpirsê Tirkiyeyê yê Rojnamegerên Sînornenas, Erol Onderoglû, seroka Weqfa Mafên Mirovan a Tirkiyeyê, Şebnem Korûr Fîncanci û nivîskar Ahmet Nesîn ji bo demekê hatin girtin.

Di 16ê Tebaxê de Dadgeha Cezayên Sûlhê ya 8. biryara girtina Ozgûr Gûndemê da.

Di 19ê Tebaxê de, Asli erdogan a nivîskara Ozgûr Gûndemê û endama Lijneya Şêwirmendên Weşanê hat girtin.

Di 22yê Tebaxê de Zana Kayayê berpirsê weşana Ozgûr Gûndemê û berpirsê naveroka nivîsan Inan Kizilkaya hatin girtin.

Di 31ê Tebaxê de, endama Lijneya Weşanê ya Ozgûr Gûndemê, Necmîye Alpaya nivîskar û zimanzan hat girtin.

Derbarê 50 rojnamegerên Nobedarên Weşanê de lêpirsîn dan destpêkirin û derbarê 39 rojnamegeran de jî doz hat vekirin.

Di 29ê Kanûna 2016an de Asli Erdogan û Necmiye Alpay serbest hatin berdan.

(EA/MB)