Bila Cejna Akîtûyê ya Asûrî/Suryaniyan pîroz be

Fotograf: suryaniler.com

Ji bo nûçeya tirkî bitikîne

Cejna Akîtûyê ya Asûrî/Suryaniyan yek ji kevntirîn cejnan e ku îsal cara 6 hezar û 771ê pîroz dikin. Cejn di dema Sumer, Akad, Babîl, Asûr, Aram û Kaldeyê de bi şox û şengê pîroz kirine ku nîşaneya hatina biharê ye.

Ji ber pêkanînên çewisandinê û hişmentiya yekparêz li Tirkiyeyê bi salan e nayê pîrozkirin. Piştî salên dirêj di sala 2005ê de piştî qedexe rabûn, Asûrî/Suraniyan careke din cejna xwe pîroz kirin.

Asûrî/Suryanî bi salan e ku li ser xaka Mezopotamyayê dijîn. Di sala 1915ê de Komelkujiya Asûrî/Suryaniyan a bi navê Seyfoyê pêk hat û piştî wê hejmara wan li Tirkiyeyê her ku çû kêm bû.

Asûrî/Suryaniyên li Iraq, Sûriye, Îran û li deverên din ên cîhanê dijîn, di 1ê Nîsanê de vê cejnê pîroz dikin.

“Bila aştî û zêdehiyê bîne”

Tulay Hatîmogûllari, Alîkara Hevseroka Giştî ya Partiya Demokratîk a Gelan (HDP) ya berpirsa Komîsyona Gelan û Baweriyan bi daxuyaniyeke nivîskî cejna Akîtuyê pîroz kiriye.

Hatîmogûllariyê wiha gotiye:

“Em Cejna Akîtûyê ya Asûrî/Suryaniyan pîroz dikin, Cejna Akîtuyê bila zêdehî, aştî, azadî hu edaletî ji mirovahiyê re bîne.” (EMK/FD)