Ji 3 mîlyon penaberên Ûkraynayî, mîlyon û 800 hezar li Polonyayê ye ne

Fotoğraf: BBC

Ji bo nûçeya tirkî bitikîne

Ireneusz Fîdos, wezîfedarê polîtîkayê yê Beşa Karên Derve(EEAS) yê Yekitiya Ewropayê(YE) li Brukselê li ser Rûsyayê xebatan birêve dibe û karê wî yê niha şerê Ûkraynayê ye.

Fîdos barûdoxê şerê li Ûkraynayê weke “Ji Şerê Cîhanê yê Duyemîn û vir ve krîza herî mezin a penaberan e' binav kir. Li gorî zanyariyên ku Fîdosî daye bîanetê, ji 24ê Sibatê ve nêzîkî 3 mîlyon Ûkraynayî welatê xwe bicih hêştine.

Fîdos diyar kir ku ji penaberên Ûkraynayê mîlyon û 800 hezar li Polonyayê ye û got, “Dewleta Polonyayê alîkariyên pêwîst kiriye û gelê wî welatî jî ji bo alîkariyê bide Ûkraynayiyan birêxistin kirine.”

Fîdos destnîşan kir ku Komîseriya Bilind a Penaberan ya Neteweyên Yekbûyî(UNHCR) jî rewşa li sînorê Polonyayê ji nêz ve dişopîne û got, hema bêja nîvê penaberan zarok in.

Paul Dîllon, berdevkê IOMê rêxistina koçan a NYê diyar kiriye û gotiye, ji penaberan 157 hezar hemwelatiyên welatên sêyem e.

Rojane 70 hezar zarok dibin penaber

James Elder, Berdevkê Fona Alîkariya Zarokan a Neteweyên Yekbûyî (UNICEF) daye xuyakirin ku ji destpêka şer û vir ve gelek zarok mirine yan jî birîndar bûne û got, "Niha zêdeyî mîlyon û 400 hezar zarok ji welêt reviyane" û destnîşan kir ku ev yek tê wê wateyê ku ji destpêka şer û vir ve li Ûkraynayê rojê 70 hezar zarok bûne penaber.

Herî kêm 579 sivîl mirin e

Li gorî Komîseriya Bilind a Mafên Mirovan a Neteweyên Yekbûyî, di şerê Rûsya-Ûkraynayê yê navbera 24ê Sibatê-11ê Adarê de herî kêm 579 sivîl mirin e û 1002 sivîl jî birîndar bûne. (AS/AY)