WHO: Di rojekê de hejmara nexweşan rekor şikandiye

Fotograf: AA/ Saraybosna

Ji bo nûçeya tirkî bitikîne

Li gorî daneyên Rêxistina Tenduristiyê a Cîhanê(WHO/RTC) di 24 saetên dawî de 307 hezar û 930 nexweşên nû hatine tomarkirin.

Hejmara miriyan jî bi zêdebûna 5 hezar û 500 kesî ve gîhaştiye 917 hezar û 417an.

Hejmara nexweşan li Hindistan, DYA û Brezîlyayê zêdetir bûne.

Li tevahîya cîhanê ji 28 mîlyonî zêdetir kes hatiye tespîtkirin ku bi Covîd-19ê ketine. Nîvê vê hejmara li parzemîna Amerîkayê ne.

Hejmara nexweşan li kîderê zêdetir bûye?

Li gorî Rêxistina Tenduristiyê a Cîhanê roja yekşemê li Hîndistanê 94 hezar û 372 kes, li Dewletên Yekbûyî ê Amerîkayê(DYA) 45 hezar û 523 kes û li Birezîlyayê 43 hezar û 718 kes bi Covîd-19ê ketine.

Hatiye diyarkirin, li DYAyê û Hîndistanê di rojekê de ji hezarî zêdetir kes ji ber Covîd-19ê mirine û li Brezîlyayê jî 874 kes pê mirine. (PT/AY/FD)