Ji bo nûçeya tirkî bitikîne
Wezîrên karê derve yên Tirkiye û Almanyayê li Enqereyê civiyane. Wezîrê Tirkiyeyê Mevlud Çavuşoglûyî diyar kiriye ku ew bi taybetî li ser Idlibê axivîne.
Çavuşoglûyî gotiye:
“Mijarên em li ser axivîn, ekonomî, meseleyên konsolxaneyan û têkoşîna li dijî terorê bû.
“Bêguman em li ser mijarên herêmê jî axivîn. Bi taybetî em li ser Sûriye û Idlibê sekinîn.”
Mekanîzmaya dîyalogê
Wezîrê karên derve yê Almanyayê, Heiko Maasî diyar kiriye:
“Divê ji bo gelek mijarên navneteweyî em hevkariyê bikin.
“Ji bo başbûna têkiliyên me yên bi Tirkiyeyê re em dixwazin mekanîzmayeka dîyalogê çêbikin.”
Êrîşa li ser Idlibê
Çavuşoglûyî li ser Idlibê gotiye:
“Ji roja ku ihtimal heye êrîşek li Iblibê bê kirin em hewil didin êrîşê bisekinînin. Ji xwe yek ji armancên civînên li Astanayê jî ev bûn.
“Li Astanayê em ê bi taybetî hewil bidin îxlalên li Idlibê têne kirin bînin rojevê.
“Ev ne meseleya me ye ev meseleya hemî dinyayê ye.”
(AS/MB)
* Wêne: Fatih Aktaş – Enqere / AA
