Wezîrê Dadê ji bo rewşa Can Atalayî got: Em ê li bendî biryara dadgehê bin

Wezîrê Karûbarên Dadê Yilmaz Tûnç li Enqereyê beşdarî Sempozyûma Hiqûqa Derbarê Malbatan a Navnetewî bû.

Piştî bernameyê, Wezîr Tûnçî bersiva pirsên rojnamegeran da.

Tûnçî derbarê dosyeya Parlamenterê Partiya Karkeran a Tirkiyeyê (TIP) Can Atalayî de hin nirxandin kirin.

Piştî ku Dadgeha Destûrî biryar da û got, mafên Can Atalayî hatine binpêkirin, dosye çûbû ber destê Dadgeha Cezayê Giran a 13an a Stenbolê. Lê Dadgeha 13an dosye ji Dadgeha Bilind re şandibû.

Tûnçî got:

“Li vir rewşek heye ku bi darazê re têkildar e. Niha ne mimkun e ku Wezîrê Dadê derbarê dosyeyeke li ber destê darazê de şîroveyan bike. Daraz serbixwe ye, bêalî ye, wê biryara herî rast bite. Lê ez dikarim vê bibêjim; dewleta Komara Tirkiyeyê dewleteke hiqûqê ye. Di dewleta hiqûqê de hemû kes bi destûra bingehîn û qanûnan girêdayî ne. Lewre ti kes an jî ti sazî nikarin erkeke ne li gorî destûra em pê ve girêdayî ne, bi kar bînin. Ji ber wê jî, ne li gorî Destûra Bingehîn e ku hin xalên Destûra Bingehîn di encama şîroveyan de tune bên hesibandin. Di encamê de em ê hemû jî li benda pêvajoya darazê bin. Em ê rêzê ji vê biryarê re bigirin ku di encama vê pêvajoya darazê de wê bê dayîn.” (RT/FD)