Walîtiya Şirnexê bi hinceta “gumana şewatê” qadên daristanî heya 1ê Îlonê qedexekirin.
Walîtiyê di daxuyaniya xwe ya nivîskî de idia kir ku “Ji ber gerimbûna hewayî û li hember şewatên daristanan qedexeya ketine qadên daristanan” ev biryar wergirtine.
Bi biryara walîtiyê, ketina hemû qadên daristanî yên di nav sînorên bajêrê Şirnexê de ji 22’yê Tîrmehê heya 1’ê Îlonê hat qedexekirin.
Baroya Şirnexê têkildarî talankirina daran daxuyanî da
Qirkirina daran 5 salin berdewam dike
Li gorî nûçeya MAyê li van herêmên ku walîtiyê ketina wan qedexe kirine, pênc sal in di bin çavdêriya leşkeran û bi destê cerdevanan qirkirina xwezayê tê kirin. Hin welatiyan diyar kir ku ev biryar ji bo ku cerdevan bi rehetî qirkirina daran bikin hatiye ragihandin.
Baroya Şirnexê: Rojane bi tonan darên sedsalî dibirin
Xala 169em a Destûra Bingehîn
Li gorî xalê: "Dewlet ji bo parastina daristanan û bipêşxistina qadên wan qanûnên hewce dike amade dike û tedbîran werdigire. Li şûna daristanên şewitî, daristanên nû bicih dike û li van cihan nabe ku çandiniyeke cida û ajalvanî çêbibe. Çavdêriya hemû daristanan karê dewletê ye.
"Milkê daristanên dewletê nabe bidin hinekên din. Ev daristan di encama demboriyê de nabe ev der bibin mal û milk û ji bilî berjewendiya civak/dewletê nabe bê bikaranîn.
"Nabe destûrê bidin ti kar û bar û çalakiyên ku ziyanê bidin daristanan. Nabe propagandaya siyasî ya ku rê li ber wêrankirina darisanan veke, bê kirin. Şewitandina daristanan, tunekirina daristanan an jî tengkirina qada daristanan sûc e û ev sûc nayên efûkirin."
Birîna darên li Şirnexê di dîmenên peykê de jî xûya bûye
.jpeg)
BIRÎNA DARÊN LI ŞIRNEXÊ
Cerdevan: “Ji ber operasyonan birîna daran zêde bûye”
(AY)
