Walîtiya Kocaeliyê çalakiyên li dijî operasyonê qedexe kiriye

Ji bo nûçeya tirkî (1) (2) / ingilîzî (1) (2)  bitikîne

Walîtiya Kocaeliyê biryar daye ku çalakiyên li dijî operasyona Bakûr û Rojhilatê Sûriyeyê heta 15 rojan hatine qedexekirin.

Walîtiyê di daxuyaniya xwe de gotiye, “zanyariyên cidî gihiştine ber destên wan ku wê sîstem û ehweliya civakê têk bibin.”

Walîtiya Rihayê jî îro di daxuyaniya xwe de diyar kiribû ku hin rojnameger li “Herêma Taybet a Ewle” dîmenan digirin û weşanê dikin. Ew ê van hewldanan asteng bikin û pêvajoya hiqûqî û yasayî derbarê kesên ku vî karî bikin de bidin destpêkirin.

Li Mêrdînê hevşaredar jî di nav de 21 kes hatine desteserkirin

Li Mêrdînê 21 kes bi îdiaya ku li ser hesabên xwe yên medyaya civakî li dijî operasyona li ser Bakûr û Rojhilatê Sûriyeyê derketine hatine desteserkirin. Li gorî nûçeya Ajansa Anadolûyê kesên hatine desteserkirin birine Midûriyeta Emniyetê ya Mêrdînê.

Ajansa Mezopotamyayê jî diyar kiriye ku di nava wan de Hevşaredarê Dêrikê û endamên meclîsa şaredariyê yên Dêrik, Stewr, Qoser û Midyatê rêveberên HDPyê yên Mêrdînê hatine desteserkirin. (AO/TP/FD)