Veysî Aktaş li Girtîgeha Îmraliyê tehliye bû

Veysî Aktaş ê li Girtîgeha Ewlekariya Bilind a Tîpa F a Îmraliyê dihat ragirtin, piştî 31 sal û 3 mehan tehliye bû. Di 28ê Nîsana 2024an de weke qanûnî înfaza cezayê wî yê 30 salan temam bû. Lêbelê bi biryara Lijneya Îdare û Çavdêriyê tehliyeya Aktaş ji bo salekê hate taloqkirin.

Li gorî nûçeya ji Ajansa Mezopotamyayê Dîren Yûrtseverê piştî salekê, berdana Aktaş ji bo 3 mehan hate taloqkirin. Aktaş ê ku berdana wî salek û 3 mehan hate taloqkirin, 25ê Tîrmehê ji Girtîgeha Îmraliyê tehliye bû.

Di 2015an de şandin Îmraliyê 

Veysî Aktaş, di sala 2015an de ji bo erka “Sekreteryayê” li gel Mehmet Saît Yildirim, Omer Hayrî Konar, Çetîn Arkaş, Narullah Kuran sewqî Girtîgeha Îmraliyê bûbû. Aktaş, ji sala 2015’an heta niha li Girtîgeha Îmraliyê dihate ragirtin.

(Mİ/AY)