Li salonên sînemayê yên Tirkiyeyê vê hefteyê 2 jê xwemalî 9 fîlm wê têkevin vîzyonê.
"Habis"
Derhêner û senarîstê fîlmî James Wan e û cureya fîlmî tirs e. Çîroka fîlm li ser jiyana Madisonê ku bi dîmenên cinayetê paralîze bûye, disekine.
Di kadroya lîstikvanan a fîlmê da Annabelle Wallis, Maddie Hassos û George Young heye.
"Heşt"
Ev fîlm xwemalî ye û Bugra Kekîk derhêneriya wê kiriye û senaryoya wê nivîsiye. Di fîlmê da sûc û gîzem heye.
"Efsaneya Shang-Chi û Deh Xeleq"
Di fîlmê da li ser çîroka Shang-Chiyê pisporê hunera lihevxistinê disekine. Shang-Chi û The Mandarinê pêşengê rêxistina The Ten Rings li hev dixin.
Derhêneriya fîlmê Marvel Studios kiriye û Simu Liu, Tony Leung Chiu-Wai û Awkwafina tê da dileyîze.
"Luka"
Cureya fîlmê anîmasyon e û Pixarê çêkiriye. Fîlm li bajaroka ber qeraxê Îtalyayê derbas dibe û li ser çîroka cinawirê bi navê Lukayê disekine.
"Tup"
Derhêner û senarîst Mathieu Turi ye û cureya wê rageşî ye.
Jinek di nav tupê da dimîne û fîlm qala çîroka jinika ku dixwaze ji tupê xelas bibe, dike.
Navê fîlmê yê orîjînal "Meandre" ye û Gaia Weiss, Peter Franzen û Romane Libert tê da dileyîze.
"Lîstika Ekîbê"
Derhêneriya wê Muhammet Emre Aydin kiriye û tê da Ahmet Ozakbalik, Alî Kemal Yildiran, Ayşegul Saygili, Akîf Înce û Ezgi Karaçam dileyîzin. Di fîlmê da pêşbaziyek tê lidarxistin û paşê bûyer dertên.
"Têra artêşekî heye"
Stephen Durham derhêneriya wê kiriye û cureya wê aksiyon e. Li ser çîroka jineke ku çeteyekê mêrê wê kuştiye û peyê hildana tola mêrê xwe ketiye, disekine.
"Mirina Du Evîndaran"
Ev fîlm di Mihrîcana Fîlmên Sundanceyê ya 2020î da ket nava favoriyan. Clayne Crawford serlehenga fîlmê ye.
Derhêneriya fîlmê Robert Machoian kiriye û li ser jiyana jin û mêrên ku biryara hevberdanê dane, disekine.
“Tomrîs”
Fîlmê Tomrîs ê ku Akan Satayevî derhêneriya wê kiriye qala Tomrîs Xatûna fermandara jin a ewil a dîroka Tirkan dike. Tomrîs di sedsala 6em da dibe fermandara Împaratoriya Îskît-Sakayê.
Kazakistan û Rûsyayê bi hev re ve fîlm çêkirine û Almira Tursyn, Adil Akhmetov, Erkebulan Dairov, Aizhan Lighg û Berik Aytzhanov dilîzin. (FD)
