Vê hefteyê 5ê wan xwemalî 8 fîlm wê bikevin vîzyonê.
Yekem fîlmê vê hefteyê "Pêlavên Sor û Heft Cûce" ye. Fîlmê anîmasyonê yê ji Koreya Başûr e. şêwazeke din a çîroka "Keybanû û Heft Cûceyan" e. Di fîlmê anîmasyonê de çîroka wan heft prensên ku bûne cûce û ya keybanûyekê heye ku ji bo bavê xwe xilas bike hewl dide.
"Ez ê te zeft bikim kurê min"
Derhêneriya fîlmî Gokhan Yikilkan kiriye û di fîlmî de Yikilkan, Alî Surmelî, Gurkan Uygun, Fulden Akyurek û Çetîn Altay dilîzin.
Di flmê da du heval bi hev re pereyan kom dikin û hevalek ji wan pereyan hildide û winda dibe. Li ser vê hevalê din li wî digere.
"Duh Bi Şev li Sohoyê"
Derhêneriya fîlmê "Duh Bi Şev li Sohoyê" Edgar Wrîght kiriye.
Promiyera dinyayê ya fîlmî li Festivala Fîlman a Venedîkê bûye. Di fîlmî de Eloîseya hezkiriya modayê carekê mêze dike ku li salên 1960î ye û li vê derê Sandya bi mûzîkê ra eleqedar dibe nas dike.
"4N1K Dawet"
Denîz Coşkun derhênerê fîlmî ye û senaryoya fîlmî ji pirtûka Buşra Yilmazê ya bi heman navî hatiye nivîsandin.
Fîlm qala wê ciwanî dike ku çend saet beriya mehra wan, hişê dilketiya wî ji serî diçe.
"The Addams Family 2"
"Addams" a fîlma anîmasyonê ya komediyê, bi beşa duyem vê hefteyê wê were nîşandan.
Malbata Addams ji bo xurtkirina têkiliyên malbatî derdikevin ger û geştê, lê Morticia û Gomez dibînin ku êdî zarokên wan mezin bûne û bi malbatî li ser heman sifreyê rûniştin zehmet bûye û ew êdî li hemberî vê yekê têdikoşin.
"Bi Cinan Ketin"
Onur Aydoganî senaryo nivîsandiye û derhêneriya fîlmî jî kiriye. Fîlm qala serpêhatiyên çar xwendekarên zanîngehê yên bizdonek dike.
"Efû"
Cem Ozay ev fîlmê xwe yê dirêj ê ewil li gundekî çiyê yên di nav Geliyê Macahalê da ku li Artînê ser sînorê Gurcistanê ye kişandiye û tê da qala bûyerên li Behra Reş gelek caran qewimiye kiriye.
Tîmur Acar, Emîne Meyrem, Hakan Aslan, Yusuf Bayraktar û Macît Koper dileyîzin.
"Mîhrîcana Rîfkînî"
Di fîlmê nû yê derhênerê bi nav û deng Woody Allenê 85 salî de qala çîroka jin û mêreke tê kirin ku diçin Mîhrîcana San Sebastianê û li ber bayê wê dikevin. (FD)
