Vê hefteyê 6 fîlmên nû wê li sînemayan bên nîşandan

Li salonên sînemayê vê hefteyê sisê jê xwemalî, 6 fîlm wê bên nîşandan.

Di fîlmê "Dewata Heyalê Min" de Jennifer Lopez, Josh Duhamel û Lenny Kravitz dileyîzin û grûbeke korsan davêje ser dewata bûk û zava û fîlm qala vê çîrokê dike.

Jason Moore derhêner e, beşa wê komedî û aksiyon e. Senaryoya wê Mark Hammer Elizabeth Meriwether bi hev re nivîsîne.

"Baldar be, kûçik li wir e"

Ece Îşbîlen Dag û Denîz Cem Dag derhêneriya fîlmê kirine û cureya wê komedî ye.

Senaryoya wê Memet Guzelbeyoglu û Caner Yalçin nivîsiye. Kûçikê perwerdekirî Bal, Nusret Toplar, Guney Kilinç, Mutlu Guney, Onur Buyuktopçu, Buse Şen, Dilara Ortaguz û Ulku Toplar tê de dileyîzin.

Nusret Toplar wekî rêzefîlma YouTubeyê 13 beş kişandiye. Ev fîlm jî ji ber van rêzefîlman wekî fîlmê sînemayê hatiye kişandin.

"Alî Çevlîk"

Erkan Bektaş, Sefa Zengin û Şevki Altunbuken tê de dileyîzin û Mahmut Baldemir derhêneriya wê kiriye. Li ser şampiyonekî boksê yê berê disekine ku li Çewlikê boksorekî serkeftî perwerde dike.

Cureya wê dram e û senaryoya wê Baran Mayda û Mahmut Baldemir bi hev re nivîsîne.

"Gola Lanetkirî"

Christina Ricci, Santino Barnard û Don Durrell tê de dileyîzin û cureya wê tirs e.

Chris Sivertson derhêneriya wê kiriye û tê de jinek ji mêrê xwe yê ku meyla wî ser şîdetê heye, direve û ew û kurê xwe yê 7 salî diçin maleke ber golê û di nava çewlikekê de dijîn. Paşê tiştên nexweş tên serê wan.

"Daristan"

Mohsen Rabiei senaryoya wê nivîsiye û derhêneriya wê kiriye. Fîlm xwemalî ye û cureya wê tirsnak e. Li ser serpêhatiyên ciwanan disekine ku dertên zozanan û li gencîneyê digerin.

Beyza Nur Onîspîr, Selda Yelîz Nar û Gîzem Çelebî tê de dileyîzin.

"Keçika şêrîn û hevalên wê li Girava Serpêhatiyan e"

Kiko Mistrorigo û Celia Catundayê derhêneriya fîlmê kiriye û cureya wê anîmasyon e. Keçika 8 salî peyê bîranînên ku ji diya wê hatine dizîn, dikeve. (FD)