Ji bo nûçeya tirkî / ingilîzî bitikîne
Donald Trump, Serokê DYAyê diyar kiriye ku têkiliya wî û Recep Tayyîp Erdogan, Serokomar û Serokê Giştî yê AKPyê baş e û wiha axiviye: “Ez li Sûriyeyê ne alîgirê kesî me.”
“Em ê çi bikin ji 60-70 hezar mirovî?”
Serokê DYAyê piştî peymana bazirganiyê bi Japonyayê re îmze kiriye pirsên rojnamegeran bersivandiye. Trumpî diyar kiriye ku wî berpirsiyariya DAIŞiyên li herêmê girtî xistiye stuyê Erdoganî û wiha berdewam kiriye:
“Em nikarin wan berdin wê gavê em ê çi bikin ji 60-70 kesar mirovî? Min ji hemû welatên Ewropayê re got, ‘Van mirovan bi şûn de bigirin.’ Wan tenê got, ‘Na, na, na. Em naxwazin vê bikin, em ê wan bi şûn de negirin’.
“Min di telefonê de ji Serokomar Erdoganî re got, ‘Hûn neçar in vê bikin, ev ê bibe berpirsiyariya we. Niha di eslê xwe de ev berpirsiyariya kê ye, -Rûs,a Tirkiye, Îran, Iraq û Sûriye û li hêrêmê kîjan ‘cîran’ hebin. Okay? Em wê herêmê weke herêma ‘cîran’ bi nav dikin. Lê ev ne cîrantiyeke dostane ye. Lê divê ev welat vî tiştî bikin.”
Çîn û Rûsta kêfxweş dibûn
“Salên dirêj in ku em li Sûriyeyê bûn. Divê wezîfeya li Sûriyeyê demkurt bûya. Divê em biketanê û yekser derketana.”
Trump bal kişandiye ser Çîn û Rûsyayê û wiha berdewam kiriye: “Herî zêde ew kêfxweş dibûn ji ketina me ya çiravê. Didîtin ku em li vir bi milyaran dolaran pereyan xerc dikin û bi vê kêfxweş dibûn. Niha tiştê ku pêwîste em dikin. Êdî dema vegera li malê hatiye.” (PT/FD)
Fotograf: AA
