Akademîsyenên Aştiyê û Însiyatîfa Civakî ya ji bo Aştiyê ji bo beşdarî “Newroza Azadiyê” ya sala 2025an bibin ji Enqereyê bi trenê berbi Amedê ketin rê.
Heyetek ji Însiyatîfa Civakî ya ji bo Aştiyê û komek ji Akademîsyenên Aştiyê, ji bo li Amedê beşdarî "Newroza Azadiyê" bibe ji Enqereyê li trenê siwar bûn û berê xwe dan Amedê.
Beşdarên "Trêna Aştiyê" ku piştî rêwîtiya xwe ya 24 saetan wê bigihêjin Amedê û dê li qada Newrozê daxwazên xwe bi dengekî bilind bînin ziman.
Însiyatîfa Civakî ya ji bo Aştiyê derbarê mijarê de daxuyaniyek da û wiha got: "Pêvajoya ku ji Cotmeha 2024an û vir ve hatiye destpêkirin dewam dike. Dema ku derî ji bo çareseriya pirsgirêka Kurd a bi rêyên demokratîk û aştiyane hatiye vekirin, desteserkirina Şaredarê Bajarê Mezin ê Stenbolê Ekrem Îmamoglu û zêdetirî 100 hevalên wî, nişan dide ku îradeya gel nas nakin”.
“Bi taybetî jî jinên ku 8'ê Adarê Roja Jinên Kedkar ên Cîhanê derketin kolanan tundiya li hemberî mûxalefetê tê kirin, rêya aştiyê jî digire. Qirkirina li hemberî Elewiyên li Sûriyeyê hat kirin nîşan dide ku ji bo aştiya li welat û herêmê divê dem neyê windakirin."
(EMK/AY)
