Ji bo nûçeya tirkî / ingilîzî bitikîne
Tirkiyê piştî Dewletên Yekbûyî yên Amerîkayê (DYA) di warê heps kirinê de bûye duyemîn. Parlementer Onursal Adıgüzelî got: “Divê mirov bi çêkirina girtîgeha pesnê xwe nede, fedî bike.”
Li gorî daneyên Gulana 2019an OECDê ( Rêxistina Pêşketina Aborî û Hevkariyê) Tirkiye piştî Amerîkayê di heps kirinê(mehkûmkirin) da duyemîn e, piştî Tirkiyeyê sêyemîn jî Îsraîl e.
Parlementerê Stenbolê û Alîkarê Seroktiya Giştî yê CHP( Partîya Komarî ya Gelî) Onursal Adiguzel got, li gorî bersivdayînê encamên CÎMERê 114 heb girtîgeh niha tên çêkirin û kapasîteyên girtîgeha 73 hezar û 448 kes e. 23 heb jî girtîgeh jî di mezatê da ne ku bên çê kirin .
353 Heb Girtîgeh hene
Ji Tirmeha 2019an heta niha di daneyên Wezareta Dadê û Gerînendetiya Giştîyê Girtîgeha da 353 heb zindan hene. Kapasîteya van zindanan 218 hezar û 950 ye.
Ji van zindanan 75 hebê wan zindanên vekirî, 7 hebê zindanên jinan yên vekirî, 9 heb zindanên jinan ên girtî, 7 heb zindanên zarokan yen girtî û 4 heb jî malên perwerdehîyê yên zarokan in.
2018-2019an de 27 heb girtîgeh çêbûne û kapasîteyên wan 16 hezar û 566 in.
Rojnameger naçin dadgehan
Rojnamegera bi mehan ji bo dadgehan nayên derxistin û ji ber ku agahkirina mafê gel diparêzin bi mehan wisa girtî dimînin.
Wezareta Dadê ji dewsa sererast kirina vê rewşê mizgîna çêkirina girtîgeha dide gel. Lê bi çêkirina Girtîgeha pesin nayê dayîn û vê divê mirov ji vê rewşê fedî bike.
Parlementerî gotiye “ Çêkirina girtîgehan ne çareserî ye, çareserî azad bûyina dadê ye ku sero bino bûye ji nû ve hatiye vekirin.’’
(AO/DD/MB)
*Dîlek Durgunê wergerandiye
