Di nava aloziyên di navbera Îran û Îsraîlê de, rayedarên Îranê di mehên dawî de lez dane sepandin, pejirandin û bicîhanîna cezayên darvekirinê ji bo kesên ku bi sîxuriya ji Îsraîlê re têne tawanbarkirin.
Rayedarên Îranê herî dawî îro bi dizî Ismail Fekrîyê 30 salî yê Tehranî, bi tohmeta sîxuriya ji bo Îsraîlê darve kirin.
Malbat û parêzerê Fekrî berî darvekirinê nehatibûn agahdarkirin û Fekrî li Girtîgeha Ghezel Hesarê hate bidarvekirin.
Ajansa Nûçeyan a nîv-fermî Tasnim ku girêdayî Supaya Pasdarên Şoreşa Îranê (IRGC) ye, darvekirin piştrast kir û îdia kir ku Fekrî hewl daye ku agahiyên nepenî yên li ser cihên stratejîk û kesayetên navdar bi pereyan bide îstîxbarata Îsraîlê Mossadê.
Di 30 mehên dawî de 13 kes hatin bidarvekirin
Çavkaniyek nêzîkî malbata wî ji Hengawê re got ku Fekri sê sal berê ji aliyê ajanên îstîxbarata IRGC ve li kolanê hatiye desteserkirin, pênc mehan li navendeke ragirtinê ya IRGC hatiye girtin, di vê demê de îşkence lê hatiye kirin û rê nedane parêzer û malbata wî bibîne.
Hengaw darvekirina bi awayê "nehênî û tolhildêr" a Esmail Fekri şermezar kir, di heman demê de bal kişand ser xetera darvekirina herî kêm heft girtiyên din ên ku bi tohmetên wekhev cezayê darvekirinê li wan hatiye birîn.
Rêxistinê bang li rêxistinên mafên mirovan ên navneteweyî û saziyên hiqûqî kir ku bilez midaxele bikin.
Li gorî daneyên ku Hengawê belge kirine, di 30 mehên dawî de li Îranê herî kêm 13 kes bi tohmeta ku "sîxurî û hevkarî ji Îsraîlê re kiriye" hatine darvekirin. Her weha rêxistina maf ragihand ku heft girtiyên siyasî yên bi navê Azad Sojaei, Edris Eli, Shahin Vasaf, Naser Bokorzadeh, Resûl Ehmed Mihemed, Mihemed Emîn Mehdî Şayesteh û Ehmed Reza Celalî, bi heman tohmetan di bin xetereya darvekirinê de ne.
(TY/AY)
