Tayînkirina qeyûm: Parlamenteran heta serê sibê nobet hat girtin
![Tayînkirina qeyûm: Parlamenteran heta serê sibê nobet hat girtin](https://static.bianet.org/haber/2024/06/04/hakkari-belediyesine-kayyim-atanmasina-karsi-nobet.jpg)
Berxwedana li dijî tayînkirina qeyûm a duh li Şaredariya Colemêrgê ya di bin rêveberiya Partiya Wekhevî û Demokrasiyê ya Gelan (DEM Partî) de hatiye destpêkirin didome.
Li gorî nûçeya Ajansa Mezopotamyayê Hevserokên Giştî yên Partiya Herêmên Demokratîk (DBP) Çîgdem Kiliçgun Ûçar û Keskîn Bayindir û parlamenterên DEM Partiyê jî di nav de gelek kesan heta sibê nobet girtin.
![Ji bo Şaredariya Colemêrgê qeyûm hat tayînkirin](https://static.bianet.org/list-haber/2024/06/03/ji-bo-saredariya-colemerge-qeyum-hat-tayinkirin.jpg)
Ji bo Şaredariya Colemêrgê qeyûm hat tayînkirin
Parlamenteran li ser Kolana Bûlvan a walîtî lê ye çalakiya rûniştinê dane destpêkirin. Li herêma ku parlamenter lê çalakiyê lidardixin bi sedan polîs hatin bicihkirin. Parlamenteran heta serê sibê çalakiyên xwe yên nobetê domandin.
![Polîsan bi ser Şaredariya Colemêrgê de girt](https://static.bianet.org/haber/2024/06/03/hakkari-belediyesine-polis-baskini.jpg)
Polîsan bi ser Şaredariya Colemêrgê de girt
Her weha bi tevlibûna Hevserokên Giştî yên DEM Partiyê Tulay Hatîmogûllari û Tûncer Bakirhan, Hevserokên Giştî yên DBPê Çîgdem Kiliçgun Ûçar û Keskîn Bayindir, pêkhateyên Tifaqa Ked û Azadiyê, şandeya CHPê û gelek nûnerên rêxistinên sivîl ên civakî îro dê çalakiyeke girseyî were lidarxistin. Saet di 13.00an de meş dê bê lidarxistin û pişt re li ber avahiya şaredariyê dê daxuyanî bê dayîn.