Piştî ku Heyet Tahrîr’uş Şamê (HTŞ) û hevalbendên wan li Sûriyeyê dest danî ser rêvebiriyê, êrîş û binpêkirinên mafan li tevahiya welêt didomin.
Navenda Çavdêriyê ya Mafên Mirovan a Sûriyeyê (SOHR) ku navenda wê li Londonê ye, li ser sûîqest û êrîşên bersivdayînê yên ji destpêka sala 2025an û vir ve ji aliyê komên çekdar ve tên kirin, raporek weşand.
Di raporê de hate gotin ku hin komên çekdar xwe li ser Rêveberiya Operasyonên Leşkerî ya bi pêşengiya HTŞê bi nav dikin û bi hincetên siyasî an go mezhebî li dijî sivîlan êrîşan pêk tînin. SOHRê diyar kir ku ev rewş krîza ewlekarî û bêaramiya li Sûriyeyê radixe pêş çavan .
'Parçebûnên di civakê de her ku diçe kûrtir dibin'
SOHRê diyar kir ku kuştinên bi vî rengî û êrîşên tolgirtinê ji bo ewlehiya sivîlan metirsiyeke mezin e û di civakê de dubendiyan kûrtir dike
Li gorî raporê kuştinên mezhebî bi taybet li bajarên Humis, Hema û Laziqiyê zêde bûne. SOHRê weha gotiye:
“Em bang li hemû aliyan dikin ku li gorî rêgezên qanûnên navdewletî yên mirovî tevbigerin û wisa bikin ku bila ji kesên ku dibin sedema kûrkirina êşa gelê Sûriyeyê û nefreta mezhebî zêde dikin, hesab were pirsîn.”
Di 28 rojan de 91 êrîş hatine kirin
Li gorî daneyên SOHRê, ji destpêka sala 2025an û vir ve hejmara giştî ya êrîşan li bajarên cuda yên Sûriyeyê gihîştiye 91an. Di van êrîşan de 190 kes mirine..
Dabeşkirina êrişan li gorî herêman wiha ye:
Şam: 3 kes
Rîf Şam: 14 kes
Heleb: 6 kes
Hûmûs: 59 jê di êrişên mezhebî de 91 kes
Hema: 28 jê di êrişên mezhebî de 46 kes
Laziqiye : 13 jê di êrişên mezhebî de 15 kes
Tartûs: 7 jê di êrîşên mezhebî de 9 kes
Idlib: 4 kes
Suweyda: Di êrîşa mezhebî de 1 kes
Dêra Zorê: 1 kes
(VC/AY)
